સંબંધોના સમીકરણ / સાસુ-સસરાએ 26 વર્ષીય વિધવા વહુને દીકરી ગણી ફરી પરણાવી, જેઠ-જેઠાણીએ બહેન ગણી કન્યાદાન કર્યું

• દીકરો ગુમાવ્યા બાદ પુત્રવધુને બનાવી દીકરી
• દીકરીની જેમ પુરા કર્યા અરમાનો
• કન્યાદાન અને કરિયાવર આપી ધામધૂમથી કર્યા વિવાહ

ગોંડલ તાલુકાના મોવિયા ગામ રહેતા ચંદુભાઈ કાલરીયા અને તેમના પત્ની રસિલાબેને પોતાના દીકરાના મૃત્યુને ભુલાવીને તેની વિધવા પત્નીને ફરીથી પરણાવી સમાજમાં સાસુ-વહુના અનોખા સંબધોનો દાખલો બેસાડ્યો છે. 

હાર્ટએટેકમાં ગુમાવ્યો દીકરો

ત્રણેક મહિના પહેલા ચંદુભાઈ કાલરીયાના પુત્ર અમિત કાલરીયાનું હાર્ટએટેકમાં મોત થયુ હતુ. અમિત મોવિયામાં જ મોબાઈલ રીપેરીંગની દુકાન ચલાવતો હતો. તેની યુવાન પત્ની આરતી પતિના ગયા પછી વિધવા બની હતી. ચંદુભાઈ અને રસિલાબેન તેમની પુત્રવધુને યુવાન વયે વૈધવ્યની ચક્કીમાં પીસાવા દેવા નહોતા માંગતા એટલે જ તેમણે વિધવા વહુના પુર્નલગ્ન કરાવી તેને પોતાને ઘરેથી વિદાય આપી હતી. 

કરિવાયર આપી કર્યુ કન્યાદાન

અમરેલીના સૂર્યપ્રતાપગઢના યુવાન સાથે પુત્રવધુને કઠણ કાળજે પરણાવી હતી. સૂર્યપ્રતાપગઢના યુવાન મહેશ સોળીયા સાથે આરતીને ધામધૂમથી પરણાવી હતી. કરિયાવરમાં તેને એક પુત્રીને આપી તેવી તમામ વસ્તુની ભેટસોગાદ આપી હતી. અમિતના મોટા-ભાઈભાભી એટલે કે, જેઠ-જેઠાણીએ કન્યાદાન કર્યુ હતુ.