ડ્રામા / વિન્ડિઝને એની જ ધરતી પર રોમાંચક મેચમાં પછાડ્યા બાદ ટીમ ઈન્ડિયાએ કરી ધમાલ, VIDEO વાયરલ

• વેસ્ટ ઈન્ડીઝ સામે બીજી વન-ડેમાં જીત બાદ ભારતીય ટીમે કરી ઉજવણી
• બધા ખેલાડીઓએ ડ્રેસિંગ રૂમમાં એક જ પ્રકારનો ડ્રામા કર્યો
• ત્રણ મેચની વન-ડે સીરીઝમાં ભારતીય ટીમ 2-0થી આગળ

ભારતીય ટીમના કેપ્ટન શિખર ધવને વીડિયો શેર કર્યો

પોર્ટ ઑફ સ્પેનમાં ભારતીય ખેલાડીઓએ વેસ્ટ ઈન્ડીઝને હરાવ્યાં બાદ જીતની ઉજવણી કરી. બીજી વન-ડેમાં જીત મળ્યાં બાદ ભારતીય ટીમે ઉજવણી કરી હતી. ભારતીય ખેલાડીઓએ આ જીતથી પોતાના પરાક્રમનો પરિચય આપ્યો હતો. બધા ખેલાડીઓએ ડ્રેસિંગ રૂમમાં એક જ પ્રકારનો ડ્રામા કર્યો. જેનો વીડિયો સોશિયલ મીડિયામાં ભારતીય ટીમના કેપ્ટન શિખર ધવને શેર કર્યો છે.  

ભારતીય ટીમ વેસ્ટ ઈન્ડીઝની સામે બીજી વન-ડે બે વિકેટથી 2 બોલ બાકી હતા ત્યારે જીતી હતી. પહેલી રમી વેસ્ટ ઈન્ડીઝે 50 ઓવરમાં 311 રન બનાવ્યાં. જવાબમાં 312 રનના લક્ષ્યને ભારતીય ટીમે 49.4 ઓવરમાં પ્રાપ્ત કર્યુ. આ જીતની સાથે ત્રણ મેચની વન-ડે સીરીઝમાં ભારતીય ટીમ 2-0થી આગળ છે. 

ડ્રેસિંગ રૂમમાં જીતના નશામાં ટીમ ઈન્ડિયા

વન-ડે શ્રેણીમાં મળેલી આ જીતની ઉજવણી ભારતીય ટીમે પોતાના ડ્રેસિંગ રૂમમાં મનાવી છે. જેમાં તમને ટીમના બધા ખેલાડી એક જ વસ્તુ કરતા દેખાઈ રહ્યાં છે. આ બધા પોતાના મસલ્સ પાવર બતાવી રહ્યાં છે. જેમાં તેનુ નેતૃત્વ શિખર ધવને કર્યુ છે.

 

 

 

 

View this post on Instagram

 

 

 

 

 

 

 

 

 

 

 

A post shared by Shikhar Dhawan (@shikhardofficial)

ભારતીય ટીમની એકતા દર્શાવે છે વીડિયો

ભારતીય ખેલાડીઓની જીતની ઉજવણીનો આ વીડિયો ભારતીય ટીમના બેંચ સ્ટ્રેંથની તાકાતને પણ દર્શાવે છે. વેસ્ટ ઈન્ડીઝના પ્રવાસ પર ગયેલા ભારતીય ટીમના મોટાભાગના ખેલાડી અત્યારે યુવા છે. તેમની પાસે વધુ મેચ રમવાનો અનુભવ નથી. કેટલાંકે તો આ સિરીઝમાંથી ડેબ્યુ પણ કર્યુ છે. એવામાં વેસ્ટ ઈન્ડીઝની ફૂલ સ્ટ્રેન્થ ટીમ પર જીત નોંધાવી. તે પણ તેમની ધરતી પર પોતાનામાં મોટી વાત છે.