માર્ચની શરૂઆતમાં, ખાનગી બેંક યસ બેંકની હાલત ખૂબ જ ખરાબ હતી. બેંક જંગી રોકડ તંગી સાથે સંઘર્ષ કરી રહી હતી. આ તમામ બાબતોની સંભાળ રાખીને, 6 માર્ચે આરબીઆઈએ બેંક પર કડક કાર્યવાહી કરતાં ઘણા નિયંત્રણો લાદ્યા હતા. આ પછી, શેરમાં મોટો ઘટાડો થયો હતો અને બેંકનું માર્કેટ કેપિટલાઈઝેશન ઘટીને રૂ .1414 કરોડ પર આવી ગયું છે.
ઊઠી જવાની તૈયારીમાં હતી Yes Bank
7 દિવસમાં બની ગઈ દેશની છઠ્ઠી સૌથી મોટી બૅંક
લાઇવ મિન્ટના અહેવાલ મુજબ બે ટ્રેડિંગ સેશનમાં બેંકની માર્કેટ કેપ વધીને 74,550 કરોડ રૂપિયા થઈ ગઈ છે. આવી સ્થિતિમાં, સવાલ ઉભો થાય છે કે, રાતોરાત પછી શું બન્યું યસ બેન્ક દેશની છઠ્ઠી સૌથી મોટી બેંક બની.
આખરે શું થયું ?
યસ બેંકને બચાવવા માટે ભારતીય સ્ટેટ બેંક (SBI)એ પ્રસ્તાવ આપ્યો કે, તે LICની સાથે મળીને 55.56 ટકા હિસ્સો રાખશે. આ 55.56 ટકા હિસ્સામાંથી SBI 45.74 ટકા અને LICનો 9.81 ટકા હિસ્સો હશે.
આ સિવાય, HDFC Bank તથા ICICI Bank પણ 6.31 ટકા પ્રત્યેક અને Axis Bank તથા કોટક મહિન્દ્રા બેંક પણ 3.15 ટકા હિસ્સો ખરીદશે. વર્તમાન સમયમાં લાઇફ ઇન્શ્યોરન્સ કોર્પોરેશન ઓફ ઇન્ડિયા(LIC)નો 8.06 ટકા હિસ્સો છે. આ સાથે જ યસબેંકમાં LICનો કુલ હિસ્સો વધીને 17.87 ટકા થઇ જશે.
એક્સપર્ટનું કહેવું છે કે, સરકાર અને RBI મળીને યસ બેંકને ફરી પાટે ચડાવવા માટે ઝડપથી પગલા ભરી રહી છે, સાથે જ પ્રાઇવેટ બેંકો દ્વારા કરવામાં આવનાર રોકાણકર્તાઓનો ભરોષો પરત લાવવાનું કામ કરી રહ્યા છે. એટલા માટે શેરબજારમાં તેજી જોવા મળી છે અે માર્કેટ કેપ વધીને 74,550 કરોડ રૂપિયા પર પહોંચ્યો છે.
રિઝર્વ બેંકે 5 માર્ચના રોજ યસ બેંકનો તમામ વહીવટ પોતાના હાથમાં લઇ લીધો છે. ત્યારબાદ યસ બેંકના ખાતાધારકો માટે મેક્સિમમ 50 હજાર રૂપિયા ઉપાડવા સહિત બેંકિંસ સેવાઓ પર પ્રતિબંધ લાદવામાં આવ્યો હતો જે 18 માર્ચના રોજ સમાપ્ત થશે.
100થી વધારે શૅર ખરીદ્યા છે તે 3 વર્ષ સુધી વેચી શકશે નહીં
પુનર્ગઠનમાં એ શરત રાખવામાં આવી છે કે જો તમે યસ બેન્કના 100થી વધારે શૅર ખરીદ્યા છે તો તેમાંથી 75 ટકા ભાગીદારીને 3 વર્ષ માટે લૉક ઇન કરી દેવામાં આવશે, એટલે કે 3 વર્ષ સુધી તમે આ શૅર વેચી શકશો નહીં.
જોકે, કોઇ રોકાણકાર (Investor) પાસે 100થી ઓછા શૅર છે તો પોતાના પૂર્ણ શૅર વેચી શકશે. ભારતના કોર્પોરેટ ઇતિહાસમાં પહેલીવાર આમ પગલુ લેવાયું છે. તેના પગલે 16.18 લાખ શૅર હોલ્ડર્સને નુકશાન ઉઠાવવું પડી શકે છે. તેમાંથી ઘણા લોકો એવા છે જેમની પાસે 100થી વધારે શૅર હોલ્ડર હોઇ શકે છે.