ફેસવોશ કરવું કેટલું જરૂરી છે એ વિશે તમે ઘણું સાંભળ્યું હશે. પણ આજકાલ લોકોની લાઈફસ્ટાઈલ એટલી ફાસ્ટ થઈ ગઈ છે કે લોકો પાસે પોતાની કેર કરવાનો સમય જ રહ્યો નથી. જેથી તેઓ શોર્ટકટ રસ્તાઓ અપનાવે છે. ઘણાં લોકો જેમને ફેસવોશ કરવાનો કંટાળો આવતો હોય છે તેઓ હવે બજારમાં મળતા વેટ ટિશ્યૂ, એટલે કે ફેસ વાઈપ્સનો ઉપયોગ કરે છે. આ થોડાં ભીના પણ હોય છે જે આપણી જરૂરિયાત તો પૂરી કરી દે છે પણ સ્કિનને કેટલું નુકસાન પહોંચાડે છે તે આજે અમે તમને જણાવીશું.
ફેસવોશની જગ્યાએ વાઈપ્સનો ઉપયોગ ક્યારેય ન કરવો
સ્કિનને ખરાબ કરી દે છે વાઈપ્સ
ફેસ વાઈપ્સમાં હોય છે કેમિકલ્સ
વધુ પ્રમાણમાં ફેસ વાઈપ્સનો ઉપયોગ કરવાથી સ્કિનને ભયંકર નુકસાન થાય છે. જેથી તેનો ઉપયોગ ટાળવો જોઈએ. ઘણાં લોકોને ફેસવોશ કરવું ગમતું નથી એટલે વાઈપ્સનો વારંવાર ઉપયોગ કરતા હોય છે, જે ચહેરો તો સાફ કરી દે છે પણ ડેડ સ્કિન દૂર નથી કરતું. જેના કારણે ઓઈલ અને ડર્ટ પોર્સમાં જમા થાય છે અને સ્કિનમાં અંદર જતા રહે છે. જેના કારણે પોર્સ બંધ થઈ જાય છે અને ચહેરા પર ખીલ થવા લાગે છે.
સ્કિનમાં પ્રવેશે છે કેમિકલ્સ
તમે કોઈપણ બ્રાન્ડેડ કંપનીના વાઈપ્સ પણ ખરીદો, તેમાં પણ કેમિકલ્સ તો હોય જ છે. તેમાં કેમિકલ્સ એટલે નાખવામાં આવે છે જેથી તે લાંબો સમય સુધી વેટ રહે અને તેનાથી મેકઅપ પણ સારી રીતે રિમૂવ થઈ જાય. જ્યારે પણ તમે વાઈપ્સ વાપરો છો ત્યારે તેમાં રહેલાં કેમિકલ્સ તમારી સ્કિનમાં પણ પ્રવેશે છે, જેનાથી સ્કિન ખરાબ થાય છે અને કરચલીઓ પણ થઈ શકે છે.
આંખો નીચે વધે છે કરચલીઓ
આંખોનું મેકઅપ દૂર કરવા માટે મોટાભાગની મહિલાઓ વાઈપ્સનો ઉપયોગ કરે છે. પણ તે તમારી સ્કિન અને આંખો માટે ખતરનાક સાબિત થઈ શકે છે. આપણી આંખો નીચેની સ્કિન બહુ જ નાજુક હોય છે. જેથી તેના પર વાઈપ્સ ઘસવાથી તેના પર કરચલીઓ થવા લાગે છે અને સ્કિન પર રેશિઝ પણ થઈ શકે છે.
સ્કિન ડ્રાય થવા લાગે છે
વાઈપ્લમાં રહેલાં કેમિકલ્સ હેલ્ધી સ્કિનને પણ ખરાબ કરી દે છે અને સ્કિનને ડ્રાય કરી દે છે. જેથી વાઈપ્સ વાપરવા નહીં. સ્કિન સાફ કરવા માટે વાઈપ્સનો ઉપયોગ ટાળવો. તેની જગ્યાએ ફેસવોશ કે મિલ્ક ક્લીન્ઝરનો ઉપયોગ કરવો. તેનાથી ચહેરો સાફ પમ થશે અને સ્કિનને નુકસાન પણ નહીં થાય અને સ્કિન સમય પહેલાં વૃદ્ધો જેવી પણ નહીં દેખાય.