આ નહી જ ખબર હોય / 21 જૂને જ કેમ ઉજવવામાં આવે છે યોગ દિવસ ? 177 દેશો સાથે સંકળાયેલુ છે કારણ

• 7મો આંતરરાષ્ટ્રીય યોગ દિવસ ઉજવાઇ રહ્યો છે
• 'યોગ સાથે રહો ઘરે રહો' થીમ સાથે ઉજવાયો યોગ દિવસ 
• 193 દેશમાંથી 177 દેશોએ આપ્યુ હતુ સમર્થન

આ વખતે સમગ્ર દુનિયામાં 7મો આંતરરાષ્ટ્રીય યોગ દિવસ ઉજવાઇ રહ્યો છે તેની થીમ 'યોગ સાથે રહો ઘરે રહો' હેઠળ ઉજવાઇ રહ્યો છે. કોરોના મહામારીમાં પોતાની અંદર સકારાત્મક ઉર્જાનો સંચાર કરવા માટે યોગ કુબ જરૂરી છે. ભારતના પ્રયાસોના કારણે UNએ 21 જૂન 2015ના રોજ પહેલીવાર વિશ્વસ્તર પર ઉજવાય છે. 

કેમ છે મહત્વપૂર્ણ ?
ભારતીય સંસ્કૃતિ અનુસાર આ દિવસ વર્ષનો સૌથી લાંબો દિવસ હોય છે. આ દિવસે સૂર્યની ગતિની દિશા દક્ષિણાયન હોય છે અને સૂર્યની આ દક્ષિણાયન સ્થિતિ યોગ દ્વારા આધ્યાત્મિક વિધા પ્રાપ્ત કરવા માટે શ્રેષ્ઠ માનવામાં આવી છે. 

આંતરરાષ્ટ્રીય યોગ દિવસ કેવી રીતે થયો સફળ 
27 સપ્ટેમ્બર 2014ના દિવસે સંયુક્ત રાષ્ટ્ર મહાસભામાં પહેલ કરતા પ્રસ્તાવ મૂક્યો હતો. જેમાં 193 દેશમાંથી 177 દેશોએ સમર્થન પૂર્ણ બહુમતના પ્રસ્તાવ સાથે સ્વીકાર કર્યો હતો. 

યોગમાં શારીરિક સ્વાસ્થ્ય સાથે માનસિક સ્વાસ્થ્ય પણ સારૂ રહે છેઃ પીએમ મોદી

દરેક દેશ, દરેક વ્યક્તિ સ્વસ્થ બને છે.  લોકો એકસાથે મળીને એકબીજાની તાકાત બને તે જરૂરી છે.  ભારત સહિત વિશ્વએ મોટા સંકટનો સામનો કર્યો છે અને સાથે છેલ્લા દોઢ વર્ષમાં નવા યોગ સાધકો બન્યા છે. કોરોનાના અદ્રશ્ય વાયરસે વિશ્વમાં દસ્તક દીધી ત્યારે આ સ્થિતિમાં કોઇ પણ દેશ કોઇ રીતે તૈયાર ન હતો. આવા મુશ્કેલ સમયમાં યોગ આત્મબળનું મોટુ માધ્મય બન્યું હતું.

યોગથી લોકોમાં બીમારીથી લડવાનો વિશ્વાસ વધ્યો અને સાથે ફ્રન્ટલાઇન વોરિયર્સે યોગને પોતાનું હથિયાર બનાવ્યો. હોસ્પિટલમાંથી પણ દર્દીઓને યોગ કરાવવામાં આવ્યા . શ્વસન માટે યોગમાં અનેક આસન છે અને સાથે તેનાથી શ્વસનક્રિયામાં  ઘણો ફાયદો થાય છે. બીમારી હોય તો તેના જડ સુધી જઇ તેનો ઇલાજ કરો. મેડિકલ સાયન્સ ઉપચારની સાથે હિલિંગ પર ભાર આપે છે આ સાથે જ  યોગ હિલિંગ પ્રોસેસમાં ઉપકારક છે. યોગ પર અનેક વૈજ્ઞાનિક પરિક્ષણો પર ચાલી રહ્યાં છે અને સાથે જ આ કારણે  શાળાઓમાં પણ બાળકોને યોગ પ્રાણાયમ કરાવાય છે. હાલમાં ઓનલાઇન શિક્ષણમાં પણ અનેક શાળાઓ યોગ કરાવે છે.  સ્વાસ્થ્ય આપણા માટે સૌથી મોટુ ભાગ્ય છે. સારૂ સ્વાસ્થ્ય તમામ સફળતાનું માધ્યમ છે.  યોગમાં શારીરિક સ્વાસ્થ્ય સાથે માનસિક સ્વાસ્થ્ય પણ સારૂ રહે છે.