રશ્મિકા મંદાનાએ સાઉથમાં કર્ણાટક ફિલ્મોના દર્શકોને નારાજ કર્યા છે તો આ સાથે જ બીજી તરફ સામંથા રૂથ પ્રભુની નવી ફિલ્મ કાનૂની મુશ્કેલીમાં ફસાઈ ગઈ છે.
રશ્મિકા મંદાનાએ સાઉથમાં કર્ણાટક ફિલ્મોના દર્શકોને નારાજ કર્યા
સમંથા રૂથ પ્રભુની નવી ફિલ્મ કાનૂની મુશ્કેલીમાં ફસાઈ ગઈ
રશ્મિકા મંદાનાએ કહ્યું એવું એક લોકો થયા ગુસ્સે
સામંથા પર માનહાનિનો કેસ
સાઉથની ફિલ્મ પુષ્પાએ દર્શકોના દિલમાં અલગ જ જગ્યા બનાવી લીધી છે. આ સાથે જ ફિલ્મમાં કામ કરેલ દરેક સ્ટારને પણ ઘરે ઘરે ઓળખ મળી છે. ફિલ્મથી ચારે તરફ હંગામો મચાવનાર બંને સુંદર હિરોઇનો હાલ મુશ્કેલ તબક્કામાંથી પસાર થઇ રહી છે. જણાવી દઈએ કે પુષ્પાની પ્રેમિકા શ્રીવલ્લી તરીકે દર્શકોના દિલ જીતનાર રશ્મિકા મંદાનાએ સાઉથમાં કર્ણાટક ફિલ્મોના દર્શકોને નારાજ કર્યા છે તો આ સાથે જ બીજી તરફ પુષ્પા ફિલ્મમાંના આઈટમ ડાન્સ ઉં અંતવા થી સૌને મંત્રમુગ્ધ કરનાર સામંથા રૂથ પ્રભુની નવી ફિલ્મ કાનૂની મુશ્કેલીમાં ફસાઈ ગઈ છે. ભલે બંને અભિનેત્રીઓને પુષ્પાથી જબરદસ્ત લોકપ્રિયતા મળી હોય પણ એ પછીનો સમય બંને માટે ખાસ રહ્યો નથી. પુષ્પાની સફળતા પછી રશ્મિકાએ ગુડ બાય ફિલ્મથી બોલિવૂડમાં એન્ટ્રી કરી હતી પણ એ ફિલ્મ ફ્લોપ રહી હતી. બીજી તરફ સામંથા સતત બીમારીનો શિકાર બની છે અને તેને લાંબો સમય હોસ્પિટલમાં વિતાવ્યો છે.
રશ્મિકા મંદાનાએ કહ્યું એવું એક લોકો થયા ગુસ્સે
હાલમાં જ રશ્મિકા મંદાના એક ઈન્ટરવ્યુ આપતાં સમયે વિવાદોમાં ફસાઈ હતી. જણાવી દઈએ કે આ ઇન્ટરવ્યુમાં રશ્મિકા એ એક અભિનેતા તરીકેની તેની સફર અને તે કેવી રીતે ફિલ્મોમાં આવી, તેને કેવી રીતે બ્રેક મળ્યો આ વિશે વાત કરી અને આ વાતચીતમાં મંદાનાએ પરમવાહ સ્ટુડિયો (કન્નડ પ્રોડક્શન હાઉસ)નું નામ લીધું જેને તેને બ્રેક આપ્યો. આ જ પ્રોડક્શન હાઉસની ફિલ્મ કિરિક પાર્ટી (2016) માં તે તેના એક્સ બોયફ્રેન્ડ અને એક્ટર રક્ષિત શેટ્ટી સાથે જોવા મળી હતી. જણાવી દઈએ કે મંદાનાએ ઈન્ટરવ્યુમાં કહ્યું હતું કે, 'મારે ક્યારેય અભિનેત્રી બનવું જ નહતું, પ્રોવિડંસ દ્વારા હું આ ઇન્ડસ્ટ્રીમાં આવી, મને એક પ્રોડક્શન હાઉસમાંથી ફોન આવ્યો હતો ત્યારે મને થયું એ પ્રેન્ક કોલ છે.' આ કહેતા તેને પ્રોડક્શન હાઉસનું નામ ન લીધું પણ હાથથી તેને ઈશારો કર્યો અને તેમની આ વાતથી કર્ણાટકના ફિલ્મપ્રેમીઓ નારાજ થયા છે. એમનું કહેવું છે કે રશ્મિકા તેના મૂળનું અપમાન કરી રહી છે, જણાવી દઈએ કે માત્ર ફિલ્મપ્રેમીઓ જ નહીં પણ આ દિવસોમાં કન્નડ ફિલ્મ કાંતારાથી દેશભરમાં લોકપ્રિયતાની લહેર પર સવાર દિગ્દર્શક-અભિનેતા ઋષભ શેટ્ટી પણ રશ્મિકાની આ વાતથી નારાજ છે. એમને પણ આ વાતને લઈને કહ્યું હતું કે તે ભવિષ્યમાં હવે ક્યારેય રશ્મિકા સાથે કામ નહીં કરે. હાલ એવી પણ ચર્ચા ચાલી રહી છે કે કન્નડ થિયેટરના માલિક અને કન્નડ ફિલ્મ સંગઠન તેને ત્યાં બેન કરી શકે છે,
સામંથા પર માનહાનિનો કેસ
જણાવી દઈએ કે સામંથા રૂથ પ્રભુ તેની તાજેતરની રિલીઝ થયેલી યશોદા માટે મુશ્કેલીમાં છે. હૈદરાબાદની એક હોસ્પિટલ એ સામંથા અને તેની ફિલ્મ યશોદાના નિર્માતાઓ વિરુદ્ધ માનહાનિનો કેસ દાખલ કર્યો છે અને દાવો કર્યો છે કે ફિલ્મમાં હોસ્પિટલને ખોટી રીતે બતાવવામાં આવી છે અને એ કારણે તેની બદનામી થઈ છે. જણાવી દઈએ કે યશોદા ફિલ્મમાં સરોગસી માતા બનેલી સામંથાને હૈદરાબાદના ઈવીએ સરોગસી ક્લિનિકમાં દાખલ કરવામાં આવે છે અને અહીં સરોગસીની ગેરકાનૂની ગતિવિધિઓ સામે આવે છે. આ વિશે હોસ્પિટલે કહ્યું હતું કે નિર્માતાઓએ તેના નામનો દુરુપયોગ કર્યો છે અને તેનાથી તેની પ્રતિષ્ઠાને ઠેસ પહોંચી છે. હાલ હૈદરાબાદ સિવિલ કોર્ટે ક્લિનિકની તરફેણમાં ચુકાદો આપતા યશોદાની OTT રિલીઝ પર 19 ડિસેમ્બર સુધી રોક લગાવી છે.