ઇન્ડિયા-અફધાનિસ્તાન મેચના દમરિયાન કેટલાક ક્રિકેટ ફેન્સ ઇન્ડિયની જર્સી પર Oppo અને અફધાનિસ્તાનની જર્સી પર Amulના લોગોને જોઇને ચોંકી ગયા અને તેની પાછળનું કારણ પૂછવા લાગ્યા.
પ્રશંસકોએ સવાલ કર્યો કે આવુ શા માટે કે ભારતીય ક્રિકેટ ટીમ ચીની કંપનીના લોગો અને અફધાની ટીમ ભારતીય કંપનીના લોગો પહેરીને રમી રહી છે.
વાસ્તવમાં 1 એપ્રિલ 2017ની ચીની મોબાઇલ ફોન કંપનીએ ભારતીય ટીમની સ્પોન્સરશિપ રાઇટ્સને 5 વર્ષ માટે 1079 કરોડ રૂપિયામાં ખરીદ્યા જે 2022 સુધી ચાલશે. તો ભારતની સૌથી મોટી દૂધ ઉત્પાદક કંપની અમૂલે વર્લ્ડ કપ પહેલા અફધાનિસ્તાન ક્રિકેટ ટીમ સાથે કોન્ટ્રાક્ટ કર્યો અને સ્પોન્સર કરવાનો નિર્ણય કર્યો.
એટલુ જ નહી આ પહેલી વખત છે, આ પહેલા અમૂલની કંપનીએ ન્યૂઝીલેન્ડઅને હોલેન્ડ ક્રિકેટ ટીમ અને કેન્ટ આરઓ કંપની શ્રીલંકાને સ્પોન્સર કરી ચૂકી છે.
વાત કરવામા આવે તો અફધાનિસ્તાનની ટીમને સ્પોન્સર કરવાની તો ટીમે જ્યારથી ક્રિકેટ રમવાનું શરૂ કર્યુ છે ત્યારથી તે સતત પોતાના ફોર્મથી લોકોને ચોંકાવી રહી છે. પોતાની રમત અને ફોર્મને કારણે આ ટીમે જલ્દીથી પ્રસિદ્ઘિ મેળવી દીધી છે.
અફધાની ટીમના ફોર્મનું અંદાજો એ વાત પરથી પણ લગાવી શકાય કે કેટલાક વર્ષોની અંદર જ ટીમે ICCએ એસોસિયેશન દેશોની લિસ્ટમાંથી બહાર નીકળીને પૂર્ણ સભ્યોવાળી યાદીમાં જગ્યા બનાવી લીધી.
ટીમે વર્લ્ડ કપ 2015માં જ્યાં એસોસિયેટ દેશના રૂપમાં ભાગ લીધો ત્યારે 2019માં પૂર્ણ સભ્યના સ્વરૂથી રમી રહી હતી અને વિશ્વની ટોપ 10 ટીમોની સામે રમી રહી છે. ઝિમ્બાબ્વે-આયરલેન્ડ-કેન્યા જેવી ટીમોને પાછળ છોડીને અફધાનિસ્તાનની ટીમ ICCની રેન્કિંગમાં ટોપ 10માં સ્થાન બનાવવામાં સફળ રહી.
અફધાનિસ્તાન ક્રિકેટની આ ઉપલબ્ધિમાં ભારતનું પણ મોટુ યોગદાન રહ્યુ છે. અફધાનિસ્તાને ઘરેલૂ મેદાન જ્યાં ભારતમાં છે ત્યાં તેમણે BCCIની મદદ મળતી રહે છે. અફધાનિસ્તાન પોતાના ઘરેલૂ સીરિઝ ગ્રેટ નોયડા અને દેહારદૂનમાં રમે છે.
ટીમનુ ફોર્મ અત્યાર સુધી વર્લ્ડકપમાં સારુ નથી રહ્યુ અને તે એક મેચ પણ જીતી નથી શકી. આ સાથે જ સેમિફાઇનલની રેસમાંથી બહાર થઇ ચૂકી છે જોકે હજુ સુધી મેચ રમવાની છે જેમાં તે ઉલટફેર કરી શકે છે.
અમૂલ ત્રીજી વખત વર્લ્ડ કપમાં કોઇ ક્રિકેટ ટીમને સ્પોન્સર કરી રહ્યુ છે. આ પહેલા અમૂલને ન્યૂઝીલેન્ડ અને નેધરલેન્ડ્સની ટીમને સ્પોન્સર કરી છે. ભારત અને અફધાનિસ્તાન બંને દેશ ઇચ્છે છે કે અફધાનિસ્તાનના અંશાતિવાળા વિસ્તારમાં શાંતિ સ્થાપિત થાય અને ક્રિકેટના આ મામલામાં ભારતની કૂટનીતિક રણનીતિને મજબૂત કરશે અને ત્યાં શાંત સ્થાપિત કરવા માટે મદદ કરશે.
અફધાનિસ્તાનમાં ભારતના પૂર્વ રાજદૂત વિવેક કાટજૂએ ઇકોનૉમિક ટાઇમ્સની સાથે વાત કરતા કહ્યુ, ''અમૂલની સ્પોન્સરશિપ ભારતને અફધાન લોકોની સાથે દોસ્તીના મજબૂત સંબંધની તરફ આગળ લઇ જશે.'' અમૂલ અને અફધાનિસ્તાનનો એક જૂનો સંબંધ છે. સીમાંત ગાંધી ખાન અબ્દુલ ગફ્ફાર ખાન 1969માં અમૂલનો પ્લાન્ટ જોવા આવ્યા હતા. અફધાનિસ્તાન ક્રિકેટ બોર્ડના અધિકારીએ જણાવ્યુ કે, ''અમૂલની અફધાની ટીમને સ્પોન્સર કરવું અમારા માટે ખુશીની વાત છે.''