ઘણીવાર રસોઇથી લઇને ફ્રીજ, વોશબેસિન, હાથ લુછવાના નેપકીન વગેરે પર રહેલા બેક્ટેરિયા, માઇક્રોબ્સ અને ફંગસ ગેસ્ટ્રોએંટ્રાઇટિસ, ફુડ પોઇઝનિંગ જેવા રોગોનું કારણ બને
છે. તમે ઘરમા સાફસફાઇનું ધ્યાન કેવી રીતે રાખો છો તેની પર તમારી હેલ્થનો આધાર છે.
ઘર અને બહારના જમવામાં પ્રમુખ અંતર એ છે કે આપણને ખ્યાલ હોતો નથી કે જે પણ ખાદ્ય પદાર્થ માર્કેટમાં મળી રહ્યા છે તે કેટલા સમય પહેલા બન્યા છે અને કઇ ગુણવત્તાના ઉત્પાદનનો તેમા પ્રયોગ કરાય છે. આજ વાત જ્યારે ઘરમા બનેલા ખોરાકની હોય છે ત્યારે વ્યક્તિ સાફસફાઇની સાથે ખાદ્ય સામગ્રીઓની ગુણવત્તા પર પણ ધ્યાન આપે છે.
ઘણીવાર રસોઇથી લઇને ફ્રીજ, વોશબેસિન, હાથ લુછવાના નેપકીન વગેરે પર રહેલા બેક્ટેરિયા, માઇક્રોબ્સ અને ફંગસ ગેસ્ટ્રોએંટ્રાઇટિસ, ફુડ પોઇઝનિંગ જેવા રોગોનું કારણ બને
છે. તમે ઘરમા સાફસફાઇનું ધ્યાન કેવી રીતે રાખો છો તેની પર તમારી હેલ્થનો આધાર છે.
ભોજનને દુષિત કરનાર ફંગસ ખાસ કરીને ભેજવાળા વાતાવરણમાં ઉત્પન્ન થાય છે. 25થી 40 ડિગ્રી સેલ્શિયસના તાપમાનમાં તેમાં વધારો થાય છે. ઘણા એવા ફંગસ પણ છે જે રુમ ટેમ્પરેચર પર વિકસીને રોગોનું કારણ બને છે. ઘણા સંશોધનનું માનીએ તો રસોઇના ટાઇલ્સ પર રહેલા સાલ્મોનેલા, શિગેલા અને કેમ્પફાઇલો બેક્ટર બેક્ટેરિયા અને હિપેટાઇટિસ-એ વાઇરસના સંપર્કમાં આવવાથી ટાઇફોઇડ ફીવર અને પેટ સંબંધિત ઇન્ફેક્શન થઇ શકે છે.
ફ્રિજમાં બધી વસ્તુ કવર કરીને રાખો
ફ્રીજમાં સૌથી ઉપર વધારે અને નીચે હળવુ ઠંડુ તાપમાન હોય છે. તેથી ઉપર દુધ અને તેના ઉત્પાદનો રાખો. શાકભાજી અને ફળોને ધોઇને સુતરાઉ કપડામાં અથવા સાદા કાગળમાં લપેટીને રાખો. ફ્રિજમાં રાખેલી ખાદ્ય સામગ્રી જેમકે બાંધેલો લોટ, રાંઘેલા શાકભાજી, રાંધેલા ભાત કે ચટણી 48 કલાક બાદ ન ખાવ. દરેક સામાનને ફ્રીજમાં ઢાંકીનેજ રાખો. આ સીઝનમાં ફ્રીજને સુરક્ષિત રાખવા માટે તેની સાફસફાઇ જરુરી છે. અઠવાડિયામાં એકવાર ફ્રીજની સાફસફાઇ જરુર કરો.
ફ્રિજ ખાલી કરીને તેને થોડીવાર ખુલ્લુ રાખી દો જેથી તેમાં ભેજ ન રહી જાય. બોટલોને ગરમ પાણીથી સાફ કરો. વાતાવરણમાં રહેલા કીટાણુ ખુલ્લા ખાદ્ય પદાર્થ કે ડેરી પ્રોડક્ટમાં ભળી જાય છે પછી તેને ફ્રીજમા રાખવાનો કોઇ મતલબ હોતો નથી.
જુતા-ચંપલ નજર અંદાજ ન કરો
મોસમ અનુસાર વરસાદમાં પલળેલા જુતા ચંપલ પોતાની સાથે અનેક રોગો લઇને ચાલે છે. આવા સંજોગોમાં જ્યારે બહારથી ઘરે પહોંચો ત્યારે જુતા-ચંપલ બહાર જ ઉતારી દો. ત્યારબાદ પાણીથી હાથ પગ ધોઇ લો. કોશિશ કરો કે આ મોસમમાં ફુટવેરને થોડો સમય તડકામાં રાખી શકાય, જેથી તેમાં ભેજ ન રહે અને બેક્ટેરિયા ન થાય. રસોડામાં વપરાતા મસોતા પણ રોજેરોજ ધોવામાં લો.