ક્રિકેટ / IPL 2021 : રાજસ્થાન રોયલ્સે કર્યો ખુલાસો, આ કારણથી મોરિસને 16.25માં ખરીદ્યો

• બોલ સાથે બેટથી પણ મેચ જીતાડી શકે છે
• દર મેચ માટે મોરિસને મળશે એક કરોડ
• ક્રિસ હંમેશાથી રાજસ્થાનના રડારમાં હતો

ઐતિહાસિક બોલી માટે બધા આશ્ચર્યમાં
આગામી આઈપીએલ સીઝનમાં ક્રિસ મોરિસને દર મેચ માટે 1 કરોડ રુપિયા મળશે. ક્રિસ મોરિસ પર આ ઐતિહાસિક બોલી માટે દરેક આશ્ચર્યમાં છે. ત્યારે રાજસ્થાન રોયલ્સે જણાવ્યું છે કે ફ્રેન્ચાઇઝીએ કેમ મોરિસને આટલી મોંઘી રકમ આપીને ખરીદ્યો છે.

પંજાબ કિંગ્સનો આભાર તેણે વધારે બોલી ના લગાવી
રાજસ્થાન રોયલ્સનાં સીઓઓ જેક લેશ મેકરમે કહ્યુ કે ફ્રેન્ચાઈઝીને ખ્યાલ હતો કે સાઉથ આફ્રિકાને આ ઓલરાઉન્ડરને ખરીદવા માટે ઘણી જહેમત ઉઠાવવી પડશે. મેકરમે પંજાબ કિંગ્સનો આભાર માન્યો કે તેમણે મોરિસ માટે વધારે બોલી ના લગાવી, કેમકે જો તે વધારે બોલી લગાવતા તો રાજસ્થાન મોરિસને ખરીદવામાં નાકામયાબ રહેતુ.

ખબર હતી કે મોરિસ માટે મોટી રકમ ચૂકવવી પડશે
મેકરમે કહ્યું કે ક્રિસ મોરિસ એવો ખેલાડી છે જે હંમેશા રાજસ્થાન રોયલ્સનાં રડારમાં રહ્યો છે અને અમને ખ્યાલ હતો કે તેને ખરીદવા માટે મોટી રકમ ચૂકવવી પડશે. મોરિસ એક અનુભવી ખેલાડી છે અને તેના આવવાથી રાજસ્થાનની ટીમને મજબૂતી મળશે. અમારી પાસે જોફ્રા આર્ચર અને કાર્તિક ત્યાગી જેવા બોલર્સ પણ છે અને મોરિસ બોલની સાથે બેટથી પણ મેચ જીતાડી શકે તેમ છે.