નવી દિલ્હી: કર્ણાટકના ગુલબર્ગ જિલ્લામાં લકમ્મા દેવીનું મંદિર છે. અહીંયા દર વર્ષે 'ચંપલ ફેસ્ટિવલ' થાય છે જેમાં દૂર-દૂરના ગામથી લોકો ચંપલ ચઢાવા આવે છે. આ ફેસ્ટિવલમાં મુખ્ય રીતે ગોલા નામના ગામના લોકો વધારેને વધારે ભાગ લે છે. આ ફેસ્ટિવલ અજીબ-ગરીબ રિવાજોના કારણે પ્રસિદ્ધ છે.
દર વર્ષે આ ફેસ્ટિવલ દિવાળીના છઠ્ઠા દિવસે આયોજિત કરવામાં આવે છે. અહીંયા લોકો જઇને મન્નત માંગે છે અને મન્નત પૂરી થાય એના માટે મંદિરની બહાર સ્થિત એક ઝાડ પર ચંપલ લટકાવે છે. આટલું જ નહીં આ દરમિયાન ભગવાનને શાકાહારી અને માંસાહારી ભોજનનો પણ ભોગ ધરાવે છે.
લોકોનું માનવું છે કે આ રીતે ચંપલ ચઢાવીને ઇશ્વર એમની ખરાબ શક્તિઓ સામે રક્ષા કરે છે.
એવી માન્યતા છે કે એનાથી પગ અને ઘૂંટણના દુખાવો કાયમ માટે દૂર થઇ જાય છે. આ મંદિરમાં હિંદુ જ નહીં પરંતુ મુસલમાન પણ આવે છે. કહેવામાં આવે છે કે માતા ભક્તોએ ચઢાવેલી ચંપલો પહેરીને રાતે ફરે છે અને એમની રક્ષા કરે છે.