સફેદ રંગ શાંતિનું પ્રતીક છે અને આ દિવસે લોકો ભાઈચારા અને માનવતા દેખાડવા માટે સફેદ કપડા પહેરે છે.
હોળીના દિવસે પહેરાય છે સફેદ કપડા
સફેદ કપડા પહેરવાનું આ છે ખાસ કારણ
શાંતિ, માનવતા અને ભાઈચારાનું છે પ્રતીક
હોળી એ રંગ અને ખુશીઓ વહેંચવાનો તહેવાર છે. આ દિવસે લોકો એકમેક પર ગુલાલ અને ભીના રંગ લગાવે છે. પણ શું તમે ધ્યાન આપ્યું છે કે આ દિવસે સફેદ કપડા શા માટે પહેરવામાં આવે છે. હોળી પર સફેદ કપડાં પહેરવાનો ટ્રેન્ડ શા માટે છે. તેની સાથે આ કારણ જોડાયેલું છે.
મહિલાઓ અને પુરુષો પહેરે છે સફેદ કપડા
હોળીના દિવસે રિવાજ અનુસાર સફેદ કપડા પહેરવાનું ચલણ છે. હોળી પહેલા મહિલાઓમાં સફેદ કુર્તી અને પુરુષોમાં સફેદ રંગના કુર્તાની ખરીદીનો ક્રેઝ રહે છે. અનેક યુવતીઓ સફેદ રંગનો દુપટ્ટો લે છે તો કોઈ કલરફૂલ. સફેદ રંગ શાંતિનું પ્રતીક છે અને આ દિવસે લોકો ભાઈચારા અને માનવતા દેખાડવા માટે સફેદ કપડા પહેરે છે.
શાસ્ત્રો શું આપે છે કારણ
શાસ્ત્રોના અનુસાર હોળીનો તહેવાર બુરાઈ પર સચ્ચાઈના વિજયનું પ્રતીક છે. હોળીનો તહેવાર 2 દિવસ ઉજવવામાં આવે છે. તેમાં પહેલા દિવસે હોળીકા દહન કરાય છે. હોળિકા દહનની આ વાર્તા છે કે હિરણ્યકશ્યપ પોતાના દીકરા પ્રહલાદની વિષ્ણુ ભક્તિથી નાખુશ થયા અને સાથે એક દિવસ હિરણ્યકશ્યપની બહેન હોળિકા, પ્રહલાદને મારવાના ઈરાદાથી પોતાના ખોળામાં લઈને શૈય્યા પર બેઠી. પ્રહલાદ ફક્ત ભગવાન વિષ્ણુના નામનું સ્મરણ કરતો રહ્યો જેનાથી તે સુરક્ષિત રહી શકે અને હોળિકાનું દહન થઈ ગયું. આ રીતે સચ્ચાઈ અને અચ્છાઈ પર જીત હાસલ કરી. સચ્ચાઈ, સત્યનું પ્રતીક માનવામાં આવે છે સફેદ રંગ.
સફેદ કપડાની વાત અલગ છે
સફેદ રંગ પર દરેક રંગ ખૂબ જ સારી રીતે ખીલે છે. સાથે જ સફેદ રંગ મોટા કૂલ લૂક અને ક્લાસી લૂક આપે છે. આ કારણે હોળીના દિવસે સફેદ કપડાની વાત અલગ જ રહે છે. લુક સિવાય પણ લોકો સફેદ કપડા એટલા માટે પહેરે છે જેથી ગુલાલનો દરેક રંગ સારી રીતે દેખાઈ શકે. સફેદ કપડા એક કેનવાસ જેવા લાગે છે જેની પર રંગોની કલાકારી કરાઈ હોય. હોળીના રંગથી રંગીન બનેલા સફેદ કપડામાં ફોટો સારા આવે છે અને મન ખુશ થઈ જાય છે.