રિસર્ચ / કોરોના વેક્સિન લીધા બાદ કેમ ફરી સંક્રમિત થઈ રહ્યા છે લોકો? રિસર્ચમાં સામે આવ્યા ચાર મોટા ફેક્ટર

• વેક્સિન લીધા બાદ કેમ સંક્રામી થઈ રહ્યા છે લોકો 
• ચાર કારણ આવ્યા સામે 
• ઈંગ્લેન્ડમાં કરવામાં આવેલ રિસર્ચમાં કરાયો દાવો 

દેશ અને દુનિયામાં કોરોના વાયરસનાં કારણે લોકો પરેશાન થઈ રહ્યા છે. ભારતમાં આ વર્ષની શરૂઆતમાં જ કોરોના વાયરસની વેક્સિન મળી ગઈ હતી અને અત્યારે પણ મોટા પાયે કોરોના વાયરસ વેક્સિનેશન ચલાવવામાં આવી રહ્યું છે. ઈઝરાયલ જેવા ઘણા દેશોમાં કોરોના વાયરસની વેક્સિન લીધા બાદ પણ કોરોના વાયરસથી સંક્રમિત થતાં હોય તેવા દર્દીઓની સંખ્યામાં વધારો થઈ રહ્યો છે. 

ફરી સંક્રમિત થઈ રહ્યા છે લોકો 
ઈંગ્લેન્ડમાં કોરોના વાયરસની વેક્સિનને લઈને એક નવું રિસર્ચ સામે આવ્યું છે જેમા દાવો કરવામાં આવ્યો છે કે 0.2 ટકા વસ્તીને વેક્સિન લીધા બાદ પણ કોરોના થયો છે. જોકે વેક્સિન લીધા બાદ પણ કોરોના થવા પાછળ મુખ્ય ચાર કારણો જવાબદાર છે. 

વેક્સિનનો પ્રકાર 
પહેલું કારણ એ છે કે તમને કયા પ્રકારની વેક્સિન આપવામાં આવી છે અને તે વેક્સિન કેટલું જોખમ ઓછું કરી શકે છે. 

વેક્સિનેશન બાદનો સમય 
બીજું મુખ્ય કારણ છે સમય. વેક્સિનેશન થયા બાદ કેટલો સમય વીતી ગયો છે તે પણ એક મોટો ફેક્ટર છે. વધારે સમય વીતી ગયા બાદ વેક્સિનની અસર ઓછી થવા લાગે છે તેવો દાવો છે અને એવામાં કોરોના વેક્સિનનાં બૂસ્ટર ડોઝ આપવાની જરૂર પડશે તેના મુદ્દે પણ વિવિધ દેશોમાં ખૂબ ચર્ચા થઈ રહી છે. 

કોરોના વાયરસનો વેરિયન્ટ 
ત્રીજું મુખ્ય કારણ છે કોરોના વાયરસનો વેરિયન્ટ. કોરોના વાયરસની રસી કોરોનાનાં મૂળ સ્વરૂપ સામે બનાવવામાં આવેલ હોય છે જ્યારે કોરોનાનો વેરિયન્ટ એ બદલાયેલ સ્વરૂપ હોય છે. એવામાં વ્યક્તિને અન્ય શક્તિશાળી વેરિયન્ટથી કોરોના થવાનો ભય રહે છે. 

ઈમ્યુનિટી સિસ્ટમ
ઈમ્યુનિટી સિસ્ટમ પણ કોરોના સામે સૌથી મોટો ભાગ ભજવે છે. ઈમ્યુનિટી સિસ્ટમ એટલે કે રોગ પ્રતિકારક ક્ષમતા વ્યક્તિએ વ્યક્તિએ બદલાતી રહે છે. એવામાં વ્યક્તિ વાયરસનાં સંપર્કમાં આવ્યા બાદ સંક્રમિત થાય છે કે નહીં તે ઈમ્યુનિટી સિસ્ટમ પર પણ આધાર રાખે છે.