1 લી એપ્રિલથી વિવિધ ચીજ વસ્તુનાં ભાવમાં વધારો થઈ રહ્યો છે. ટોલ ટેક્સમાં પણ વધારો થઈ રહ્યો છે. સવાલ ચોક્કસ થાય કે ટોલટેક્સની વધતી ચુકવણી સામે નાગરિકોને પૂરતી સુવિધા મળે છે કે નહીં.
બહુ સીધો સાદો નિયમ છે કે જો તમે કોઈ સુવિધા માટે કિંમત ચુકવો છો તો એ સુવિધા વ્યવસ્થિત મળવી જોઈએ એમા કોઈપણ પ્રકારની બાંધછોડ ચાલે નહીં. હવે જયારે ટોલટેક્સમાં ભાવ વધારો થવા જઈ રહ્યો છે. ત્યારે સવાલ ચોક્કસ થાય કે ટોલટેક્સની વધતી ચુકવણી સામે નાગરિકોને પૂરતી સુવિધા મળે છે કે નહીં. અત્યારે હાઈ-વે અને એક્સપ્રેસ-વેનું કામ સરકારની સાથે ખાનગી કંપનીઓને પણ સોંપાય છે અને બંનેની મૂળભૂત જવાબદારી બને છે કે જો ટોલટેક્સ ઉઘરાવો છે તો ખાડામુક્ત રોડ મળવા જોઈએ, પણ સવાલ એ આવીને ઉભો રહે છે કે આપણને ખાડામુક્ત રોડ ખરેખર મળ્યા?.
જે રોડ બનાવવા માટે કરોડોનો ખર્ચ થયો તે ખર્ચ વસૂલ થઈ જાય પછી ટોલની રકમ કેટલાક ટકા ઘટાડવી પડે અથવા તો ટોલટેક્સ સંપૂર્ણ ખતમ કરવો પડે, પણ ખરેખર એવું થયું છે ખરુ. જે સુવિધાનો ટોલ ચુકવનાર હકદાર છે તે સુવિધા મળ્યા બાદ જો ભાવવધારો થાય તો એ ખરેખર વ્યાજબી છે. હવે વિચાર એ વાતનો જ કરવાનો છે કે આપણે સારા રોડ માટે ટોલટેક્સ ભરીએ છીએ?, જો જવાબ હા છે તો દર વર્ષે કેટલો ટોલટેક્સ ભરીએ છીએ.
તમારુ વાહન રોડ ઉપર હંકારવા માટેનું મેઈન્ટેનન્સ એટલે ટોલટેક્સ
સરકાર ઘણી જ ઊંચી કિંમતે હાઈ-વે કે એક્સપ્રેસ-વે બનાવે છે
સરકાર આ કામ ખાનગી કંપનીઓને પણ આપે છે
રસ્તો બની ગયા બાદ તેની સારસંભાળ અને ખર્ચ કાઢવો જરૂરી છે
ટોલટેક્સને સરળ ભાષામાં સમજો
તમારુ વાહન રોડ ઉપર હંકારવા માટેનું મેઈન્ટેનન્સ એટલે ટોલટેક્સ. સરકાર ઘણી જ ઊંચી કિંમતે હાઈ-વે કે એક્સપ્રેસ-વે બનાવે છે. સરકાર આ કામ ખાનગી કંપનીઓને પણ આપે છે. રસ્તો બની ગયા બાદ તેની સારસંભાળ અને ખર્ચ કાઢવો જરૂરી છે. આ માટે સરકાર કંપનીઓને અમુક રકમ વાહનચાલકો પાસે લેવાની પરવાનગી આપે છે. જયારે ખર્ચ કરેલી રકમ સરભર થઈ જાય પછી સરકાર ટોલટેક્સ ખતમ કરી શકે છે. સરકાર પ્રસ્તાવિત ટોલટેક્સની રકમ પણ ઘટાડી શકે છે
ટોલટેક્સ નક્કી કરવાના અનેક માપદંડ છે
બે ટોલનાકા વચ્ચે ઓછામાં ઓછુ 60 કિલોમીટરનું અંતર જરૂરી
રોડ ઉપર બ્રિજ, ટનલ કે બાયપાસ હોય તો ટેક્સ વધુ હોય શકે
હાઈ-વે કરતા એક્સપ્રેસ-વે ઉપર ટોલટેક્સ વધુ હોય છે
ટોલટેક્સ નક્કી કરવાના માપદંડ
બે ટોલનાકા વચ્ચે ઓછામાં ઓછુ 60 કિલોમીટરનું અંતર જરૂરી. રોડ ઉપર બ્રિજ, ટનલ કે બાયપાસ હોય તો ટેક્સ વધુ હોય શકે છે. હાઈ-વે કરતા એક્સપ્રેસ-વે ઉપર ટોલટેક્સ વધુ હોય છે. જેમ વાહન મોટું એમ ટોલટેક્સ પણ વધુ.
ટોલટેક્સ ભર્યા વગર નિકળવાના ચોક્કસ નિયમ છે
ટોલનાકા ઉપર 3 મિનિટથી વધુ રાહ જોવી પડે તો ટોલટેક્સમાંથી મુક્તિ મળી શકે
3 મિનિટથી વધુ રાહ જોવા પર તમે ટોલ ચુકવ્યા વગર પસાર થઈ શકો છો
ટોલટેક્સ ભર્યા વગર નિકળી શકાય?
ટોલટેક્સ ભર્યા વગર નિકળવાના ચોક્કસ નિયમ છે. ટોલનાકા ઉપર 3 મિનિટથી વધુ રાહ જોવી પડે તો ટોલટેક્સમાંથી મુક્તિ મળી શકે. 3 મિનિટથી વધુ રાહ જોવા પર તમે ટોલ ચુકવ્યા વગર પસાર થઈ શકો છો. જો કે મોટેભાગે લોકો કાયદાકીય લડતમાં ઉતરતા નથી. ટોલ ફીના બદલામાં તમને સુવિધા ન મળે તો તમે ફરિયાદ કરી શકો છો. આ બાબતે વાહનચાલક હાઈકોર્ટ સુધી ફરિયાદ કરી શકે છે. ગ્રાહક સુરક્ષામાં પણ ટોલટેક્સ ચુકવણી બાદ સુવિધા ન મળે તો ફરિયાદ થઈ શકે છે.
ટોલટેક્સ ચુકવણીથી રોડ ઉપર અનેક સુવિધા મળવાપાત્ર છે
વાહનચાલકોને ખાડામુક્ત રોડ મળે તે કંપની કે સરકારની પહેલી જવાબદારી
થોડા-થોડા અંતરે કિલોમીટરના સાઈનબોર્ડ હોવા જરૂરી
જે રોડ ઉપર ટોલ ઉઘરાવાય ત્યાં પોલીસકર્મીઓ હાજર હોય છે
કોઈ અજુગતી ઘટના બને તો તરત જ પોલીસ પહોંચી જાય છે
આ સુવિધાના તમે છો હકદાર
ટોલટેક્સ ચુકવણીથી રોડ ઉપર અનેક સુવિધા મળવાપાત્ર છે. વાહનચાલકોને ખાડામુક્ત રોડ મળે તે કંપની કે સરકારની પહેલી જવાબદારી છે. થોડા-થોડા અંતરે કિલોમીટરના સાઈનબોર્ડ હોવા જરૂરી. જે રોડ ઉપર ટોલ ઉઘરાવાય ત્યાં પોલીસકર્મીઓ હાજર હોય છે. કોઈ અજુગતી ઘટના બને તો તરત જ પોલીસ પહોંચી જાય છે. તેમજ એમ્બ્યુલન્સ, ફાયરબ્રિગેડ, ક્રેનની પણ સુવિધા હોય છે. વાહનનો અકસ્માત થાય તો ટો-અવેની સુવિધા મળે છે. રોડ ઉપર ટોયલેટ, પીવાનું પાણી, બસ સ્ટોપની પણ સુવિધા જરૂરી છે. રસ્તાની વચ્ચે વાવેલા છોડનો ખર્ચ પણ ટોલની આવકમાંથી થાય છે.
ટોલ પ્લાઝાના આ નિયમ જાણી લો
પીક અવર્સમાં એક લેનમાં 6થી વધુ વાહનો એક કતારમાં ન હોય શકે
ટોલ બૂથ ઉપર વાહનદીઠ સેવાનો સમય 10 સેકન્ડ
પ્રવાસીઓ 2 મિનિટથી વધુ રાહ જોવી પડે તો ટોલ લેનની સંખ્યા વધારવી