IPLIN
 

નિષ્ફળતા જવાબદાર? / બબિતા ફેમ મુનમુન દત્તા 'તારક મહેતા' સિવાય બીજા કોઈ શોમાં કેમ નથી જોવા મળતી, તો જાણી લો કારણ

Team VTV 06:48 PM, 17 Nov 21
Follow us
why munmun dutta aka babitaji is only part of taarak mehta ka ooltah chashmah

તારક મેહતા કા ઉલ્ટા ચશ્મા ઘણાં લાંબા સમયથી લોકોને મનોરંજન પીરસી રહી છે. છેલ્લાં 13 વર્ષોથી આ શો તેના ચાહકોના દિલની ખૂબ નજીક છે.

  • મુનમુન દત્તા ફક્ત 'તારક મહેતા' સીરિયલમાં જ કેમ જોવા મળે છે?
  • મુનમુન દત્તા બીજી કોઈ ફિલ્મ કે સીરિયલમાં કેમ કામ કરતી નથી?
  • ફિલ્મોમાં નિષ્ફળતા મળી છે, શું આ કારણ છે જવાબદાર !

બબીતાજી 'તારક મહેતા'માં જ કેમ અભિનય કરે છે?

મુનમુન દત્તા આ શોના પ્રારંભથી જ છે. પરંતુ તેઓ આ શો સિવાય બીજી કોઈ ફિલ્મો અથવા શોમાં જોવા મળી નથી. 'તારક મેહતા કા ઉલ્ટા ચશ્મા'ની સૌથી જૂની અભિનેત્રીમાંથી એક છે બબીતા જી ઉર્ફે મુનમુન દત્તા. શોમાં ફક્ત જેઠાલાલ જ બબીતાને પસંદ કરતા નથી. પરંતુ તેના ઘણાં ચાહકો પણ બબીતાને ખૂબ પસંદ કરે છે. પરંતુ શું તમે જાણો છો કે આ અભિનેત્રી ફક્ત તારક મહેતા સીરિયલમાં જ કેમ અભિનય કરે છે. બીજી કોઈ ફિલ્મ અથવા સીરિયલમાં અભિનય કેમ કરતી નથી. તેની પાછળનું કારણ શું છે.

ફિલ્મોમાં સફળતા ના મળી

મુનમુન દત્તાએ અભિનય માટે કારકિર્દીની શરૂઆત વર્ષ 2004માં હમ સબ બારાતીથી કરી હતી. 2005 અને 2006માં અભિનેત્રીએ બે ફિલ્મો પણ કરી હતી. પરંતુ પડદા પર વધુ સફળ રહી નહોતી. જ્યારે ટીવી શોમાંથી તેમને સારી ઓળખ મળી અને તારક મહેતા કા ઉલ્ટા ચશ્માનો ભાગ બન્યાં બાદ તેનુ નસીબ ચમકી ગયુ.

પ્રેમના બદલે મળ્યો હતો માર 

એક રિપોર્ટ મુજબ, મુનમુન દત્તાએ વર્ષ 2008માં અભિનેતા અરમાન કોહલીને ડેટ કરવાનું શરૂ કર્યુ હતુ. તેમનો સંબંધ ખૂબ દર્દભર્યો રહ્યો. કારણકે અરમાને મુનમુન દત્તા સાથે મારામારી શરૂ કરી દીધી હતી. અભિનેત્રી એટલી બધી પરેશાન થઇ હતી કે તેણે અભિનેતા વિરુદ્ધ પોલીસ સ્ટેશનમાં ફરિયાદ નોંધાવી હતી. આ રિલેશનશિપના કારણે અભિનેત્રીની કારકિર્દી પર ખૂબ નકારાત્મક અસર પડી હતી.

એક્ટિંગ પર ઉભા થયા છે સવાલ

તારક મેહતા કા ઉલ્ટા ચશ્માની શરૂઆતમાં ઘણાં ટીકાકારોએ અભિનેત્રીની એક્ટિંગ પર સવાલ ઉભા કર્યા હતા. પરંતુ સમય પ્રમાણે મુનમુન દત્તાને પોતાને સાચી સાબિત કરી. પરંતુ મોટા પ્રોજેક્ટ હજુ પણ તેને મળતા નથી.

એક જ છબિમાં બંધાઈ ગઈ છે

મુનમુન દત્તા સોશિયલ મીડિયામાં ખૂબ સક્રિય રહે છે. પરંતુ તેણે અવાર-નવાર ટ્રોલિંગનો શિકાર થવુ પડે છે. તેની દરેક તસ્વીર પર લોકો હેટ કોમેન્ટ કરે છે. મુનમુન દત્તાની છબી બબીતાજી તરીકે એટલી જાણીતી બની છે કે કદાચ તેમાંથી બહાર આવવુ મુશ્કેલ થઈ શકે. આજે પણ લોકો મુનમુન દત્તાને લોકો જોવે છે તો મોંઢામાંથી બબીતાજી આવશ્ય નિકળી જાય છે.

Tarak Mehta Ka Ooltah Chashmah Munmun Dutta Babitaji Social Media
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ