આજે મધર્સ ડે છે! આજે માતૃત્વનું સેલિબ્રેશન તો જરૂર કરવાનું પણ શું એક જ દિવસ માં નો છે? એના માટે તો એક આખી જિંદગી પણ ઓછી પડે, ચાલો જાણીએ આ દિવસની ઉજવણીનો ઇતિહાસ
આજે મધર્સ ડે ની ઉજવણી
જાણો શા માટે આજે જ ઉજવાય છે મધર્સ ડે
કેવી રીતે અને કોનાથી થઈ શરૂઆત?
અમેરિકામાં થઇ શરૂઆત?
મધર્સ ડેના લઇને ઘણી માન્યતાઓ છે , કેટલાક લોકોનું માનવુ છે કે મધર્ડ ડેના આ ખાસ દિવસની શરૂઆત અમેરિકામાં થઇ હતી. વર્જિનિયામાં એના જાર્વિસ નામની મહિલાએ મધર્સ ડેની શરૂઆત કરી. કહેવાય છે કે, એના પોતાની માંને ખૂબ જ પ્રેમ કરતી હતી અને તેનાથી ખૂબ જ પ્રેરિત હતી. તેણે ક્યારેય લગ્ન ના કર્યા અને માંના નિધન પછી તેણે પોતાની માં માટે સન્માન દેખાડવા માટે આ ખાસ દિવસની શરૂઆત કરી. ઇસાય સમાજના લોકો આ દિવસને વર્જિન મેરીના દિવસે ઉજવે છે. યૂરોપ અને બ્રિટેનમાં મધરિંગ સન્ડે પણ ઉજવવામાં આવે છે.
આ સાથે જોડાયેલી વધુ વાર્તા અનુસાર, મધર્સ ડેની શરૂઆત ગ્રીસથી થઇ. ગ્રીસના લોકો પોતાની માંનું બહુ સન્માન કરે છે, આ માટે તેઓ તે દિવસની પૂજા કરે છે. માન્યતાઓ અનુસાર, સ્યબેસે ગ્રીક દેવતાઓની માતા હતી અને મધર્સ ડે પર લોકો તેમની પૂજા કરતા હતા.
અમેરિકન પ્રેસિડન્ટ વુડ્રો વિલ્સનને કાયદો પસાર કર્યો
9 મે 1914માં અમેરિકન પ્રેસિડન્ટ વુડ્રો વિલ્સનને એક કાયદો પસાર કર્યો.આ કાયદામાં લખવામાં આવ્યુ કે , મે ના બીજા રવિવારે મધર્સ ડે ઉજવાશે. જે પછી ભારત સહિત અન્ય દેશોમાં આ ખાસ દિવસને મે ના બીજા રવિવારે ઉજવવામાં આવે છે. તો આ મધર્સ ડેના ખાસ દિવસ પર પોતાની માતા સાથે સમય પસાર કરી તેમને ખુશ કરી દો.
વાંચો કવિ દલપતરામની આ અદભૂત કવિતા!
હતો હું સૂતો પારણે પુત્ર નાનો
રડું છેક તો રાખતું કોણ છાનો
મને દુખી દેખી દુખી કોણ થાતું
મહા હેતવાળી દયાળી જ મા તું
સૂકામાં સુવાડે ભીને પોઢી પોતે
પીડા પામું પંડે તજે સ્વાદ તો તે
મને સુખ માટે કટુ કોણ ખાતું
મહા હેતવાળી દયાળી જ મા તું
લઈ છાતી સાથે બચી કોણ લેતું
તજી તાજું ખાજું મને કોણ દેતું
મને કોણ મીઠા મુખે ગીત ગાતું
મહા હેતવાળી દયાળી જ મા તું
પડું કે ખડું તો ખમા આણી વાણી
પડે પાંપણે પ્રેમનાં પૂર પાણી
પછી કોણ પોતા તણું દૂધ પાતું
મહા હેતવાળી દયાળી જ મા તું
-દલપતરામ