તમને ખબર છે? / આવા લોકોને કરડે છે સૌથી વધારે મચ્છર, જાણો તેના પાછળ શું છે કારણ

• આવા લોકોને કરડે છે સૌથી વધારે મચ્છર 
• લોહી મીઠુ હોવાથી મચ્છર કરડવાની માન્યતા 
• પરંતુ આ કારણે પણ કરી શકે છે મચ્છર 

કેટલાક લોકોને મચ્છર વધુ કરડે છે અને જેના કારણે બીમારી થવાની સંભાવનાઓ વધી જાય છે. તમને પણ મચ્છર વધારે કરડે છે અને તો તમારા માટે આ જાણી લેવું જરૂરી છે. અમુક લોકોના કહેવા અનુસાર લોહી મીઠુ હોવાના કારણે મચ્છર વધારે કરડે છે પરંતુ અમે તમને બીજા પણ કારણો જણાવવા જઈ રહ્યા છીએ જેના કારણે વધારે મચ્છર કરડે છે.

બોડી સ્મેલ
મચ્છર કેટલાક લોકોને વધુ કરડે છે. આ વિશે ઘણા સંશોધનો પણ થયા છે. નિષ્ણાંતો કહે છે કે તેની પાછળ શરીરની દુર્ગંધ પણ એક કારણ છે. શરીરમાંથી આવતી દુર્ગંધથી મચ્છર પણ આકર્ષાય છે અને કરડવા આવે છે.

રંગોની અસર
સંશોધનમાં એ પણ જાણવા મળ્યું છે કે મચ્છર કાળા રંગ તરફ ઝડપથી આકર્ષાય છે, કારણ કે તે તેમને તેમના જેવો જ રંગ લાગે છે. જો તમે કાળા રંગના કપડા પહેર્યા હોય તો શક્ય છે કે મચ્છર તમને બીજા કરતા વધારે કરડે.

પ્રેગ્નન્સીમાં
એક્સપર્ટ્સનું કહેવું છે કે પ્રેગ્નન્સીના કારણે પણ મચ્છર મહિલાઓને વધુ કરડે છે. તેમના મતે, ગર્ભવતી મહિલાના શરીરનું તાપમાન સામાન્ય કરતા વધારે રહે છે અને વધુ કાર્બન ડાયોક્સાઇડ પણ નીકળે છે. આ કારણે તેઓ તેમને વધુ કરડે છે.

આલ્કોહોલ
નિષ્ણાંતોનું માનવું છે કે જે લોકો વધુ આલ્કોહોલ કે બીયરનું સેવન કરે છે તેમને પણ મચ્છર કરડે છે. જો કે તેની કોઈ સાબિતી નથી, પરંતુ એવું કહેવાય છે કે શરીરમાં શુગરનું સ્તર વધે છે અને લોહીમાં મીઠાશ વધુ બને છે.