નિર્ણય / એવું તો શું થયું કે રાતોરાત વિશ્વની આ જાણીતી મોબાઈલ કંપની બંધ થઈ ગઈ

• ઇલેક્ટ્રોનિક સામાન બનાવનાર કંપની LGનો મોટો નિર્ણય 
• બંધ કરશે સ્માર્ટ ફોનનું ઉત્પાદન
• નુકસાનીમાં મોબાઇલ ડિવીઝન ચાલતુ હોવાનું આપ્યું નિવેદન

સાઉથ કોરિયન કંપનીનું આ એલાન ભલભલા લોકો ચોંકી ગયા હતા. LGના સ્માર્ટફોનને ખૂબ જ તાકાતવાન માનવામાં આવે છે. પરંતુ એ પણ સાચુ છે કે, અન્ય કંપનીઓના સ્માર્ટ ફોનની સામે LGને ઓળખનાર વર્ગ માર્કેટમાં ઓછો છે. 

કેવી રીતે શરૂ હતી કંપની ?

1958માં LG ઇલેક્ટ્રોનિક્સની શરૂઆત થઈ હતી ત્યારે તે ગોલ્ડ સ્ટાર તરીકે જાણીતી હતી. કોરિયાઇ યુદ્ધ બાદ શરૂ કરવામાં આવેલ કંપનીને દેશમાં જ બનેલા કન્ઝ્યુમર પ્રોડક્ડ અને હોમ એપ્લાયન્સની મદદથી દેશના પુનર્નિર્માણના હેતુથી તૈયાર કરવામાં આવેલ. સાઉથ કોરિયામાં નેશનલ બ્રોડકાસ્ટિંગ બાદ ઇલેક્ટ્રોનિક્સના બજારમાં તેજી આવવાની શરૂ થઇ હતી. 

ત્યારબાદ ગોલ્ડ સ્ટારે હિટાચીની મદદથી સાઉથ કોરિયાનો પહેલો રેડિયો, ટીવી, ફ્રિઝ, વોશિંગ મશીન અને એસી બનાવવાનું શરૂ કર્યું હતું. ગોલ્ડ સ્ટાર એલજીગ્રુપની સાથે આવેલ કંપની હતી. તે એક કેમિકલ ઇન્ડસ્ટ્રીયલ કંપની હતી. હવે તેને LG કેમિકલ અને LG હાઉસ હોલ્ડના નામથી ઓળખવામાં આવે છે. 28 ફેબ્રુઆરી 1995ના રોજ લકી કેમિકલ સાથે તે મર્જ થઇ અને તેનું નામ LS કેબલ થયું હતું. 

નુકસાનીમાં હતું મોબાઇલ ડિવીઝન 

એલજી દ્વારા આ મુદ્દે એક નિવેદન આપવામાં આવ્યું છે. જેમાં કહેવામાં આવ્યું છે કે, તેમણે આ નિર્ણય નુકસાનીને કારણે લીધો છે. મોબાઇલ ડિવિઝન બંધ કરીને પોતાનું તમામ ધ્યાન ગ્રોથ સેક્ટર્સ પર કેન્દ્રીત કરવા જઇ રહી છે. કંપનીની જણાવ્યા પ્રમાણે, આ ગ્રોથ એરિયાઝ ઇલેક્ટ્રિક વ્હીકલના સામાન અને કનેક્ટેડ ડિવાઇસ, સ્માર્ટફોન પ્રોડક્ટ્સ રોબોટિક્સ વગેરે છે. 

મોબાઇલ ફોન યુઝર્સનું શું થશે

આ સમયે, વિંગ, વેલ્વેટ, Q-series, W-series, and K-seriesજેવા એલજી ફોન્સ હજી ટ્રેન્ડમાં છે પરંતુ આ ફોનનું હવે પ્રોડક્શન થશે નહીં. એલજી અનુસાર, ગ્રાહકો થોડા સમય માટે સ્માર્ટ ફોન્સ માટે સર્વિસ સપોર્ટ અને સોફ્ટવેર અપડેટ્સ મેળવવાનું ચાલુ રાખશે. પરંતુ આ સુવિધાઓ ગ્રાહક ક્યાં છે તેના પર પણ નિર્ભર રહેશે. 31 જુલાઈથી, એલજી મોબાઇલ ફોન્સ સંપૂર્ણપણે વ્યવસાયથી બહાર થઈ જશે. મોબાઇલ ફોનના વ્યવસાયથી બહાર જવાનો નિર્ણય આશ્ચર્યજનક નથી. આ વર્ષે જાન્યુઆરીથી, એવા અહેવાલો આવ્યા હતા કે એલજી મોબાઇલ ફોનના વ્યવસાયથી બહાર થઈ શકે છે. તે સમયે, એલજીના સીઇઓએ પુષ્ટિ કરી હતી કે કંપની ફોન વ્યવસાય માટે સંભવિત ખરીદનાર સાથે વાત કરી રહી છે.

6 વર્ષ પહેલા નફો થયો હતો

એવું કહેવામાં આવી રહ્યું છે કે એલજી તેના ફોન વ્યવસાય માટે ઓછામાં ઓછી બે કંપનીઓ સાથે વાટાઘાટો કરવામાં રોકાયેલી હતો. વાતચીત ક્યારેય કોઈ ચોક્કસ તબક્કે પહોંચી ન હતી અને એલજીનો મોબાઇલ વ્યવસાય મુશ્કેલીમાં હતો. એલજીનો સ્માર્ટ ફોનનો વ્યવસાય છેલ્લા 6 વર્ષથી મુશ્કેલ તબક્કામાંથી પસાર થઈ રહ્યો હતો. કંપની તેના હરીફો સેમસંગ અને ચીની કંપનીઓ સાથે સ્પર્ધા કરવા માટે પ્રયાસ કરી રહી હતી. આ હેતુ માટે, તેમણે વેલ્વેટ પણ શરૂ કર્યું. છ વર્ષ પહેલા, એલજીએ મોબાઇલ ફોનના વ્યવસાયમાં લાભ મેળવ્યો હતો અને ત્યારથી કંપની સતત ખોટમાં જઇ રહી હતી.