બોલિવૂડના ખેલાડી કુમાર અક્ષય કુમાર હાલમાં તેની ફિલ્મ લક્ષ્મીને લઇને ખુબ ચર્ચામાં છે. ફિલ્મમાં તેમની એક્ટિંગના ખુબ જ વખાણ થયા છે અને વિદેશમાં પણ તે ખુબ જ સારુ પફોર્મ કરી રહી છે.
અક્ષય એક સુપર સ્ટાર છે અને તે એક જ વર્ષમાં ઘણી બધી ફિલ્મો સાઇન કરવા માટે જાણીતા છે. એક તરફ સ્ટાર્સ વર્ષમાં એક કે 2 ફિલ્મ સાઇન કરે છે ત્યારે અક્ષય ઘણી બધી ફિલ્મો કરે છે. સાથે જ તે બોલિવૂડ પાર્ટીઝમાં પણ જતાં નથી, તેના માટેનું કારણ તેમણે હાલમાં જ જણાવ્યું હતું.
હાલમાં જ અક્ષયનો એક જૂનો વીડિયો વાયરલ થઇ રહ્યો છે જેમાં તે ધ કપિલ શર્મા શૉમાં એક ફિલ્મનું પ્રમોશન કરવા પહોંચ્યા છે. કપિલ તેમને કહે છે કે તમારા વિશે એક અફવા છે કે તમે બોલિવૂડ પાર્ટીઝમાં એટલા માટે નથી જતા કે બાદમાં તમારે પણ તે લોકોને પાર્ટી આપવી પડે. તેના જવાબમાં અક્ષય કુમાર કહે છે કે હા તે વાત સાચી છે. બાદમાં ત્યાં હાજર રહેલા બધા લોકો હસવા લાગે છે.
આ પહેલા પણ કોફી વિથ કરનમાં તે કહી ચૂક્યા છે કે મને મારી ઉંઘથી ખૂબ જ પ્રેમ છે અને મને સવાર જોવી ખુબ ગમે છે. જે લોકો મને પાર્ટીમાં બોલાવે છે તે લોકો જાણે છે કે હું જલ્દી જતો રહીશ કારણકે મારે સૂઇ જવું હોય છે અને હું જણાવી દઉં કે મને નાઇટ શિફ્ટ નથી ગમતી.