લાઇફસ્ટાઇલ / ખિસ્સું કેમ શર્ટની ડાબી સાઇડ જ હોય છે? કારણ ખરેખર જાણશો તો વિચારતા રહી જશો!

માર્કેટમાં અલગ અલગ સ્ટાઈલના અને કલરના શર્ટ મળી રહે છે. પણ આ શર્ટમાં એક કોમન વસ્તુ હોય છે. અને તે છે ખિસ્સું. શર્ટના ખિસ્સા ફેશન માટે નહીં, પણ સુવિધા માટે બનાવવામાં આવ્યા હતા. હાથમાં પેન કે નાની ડાયરી જેવી નાની વસ્તુઓ હંમેશા રાખવી ખૂબ જ મુશ્કેલીભર્યું હતું. સમય જતાં ધીમે ધીમે શર્ટમાં ખિસ્સા મૂકવાનો ટ્રેન્ડ શરૂ થયો.

• ખિસ્સા ડાબી બાજુ કેમ?
  શર્ટના ખિસ્સા હંમેશા ડાબી બાજુ કેમ હોય છે? આ પ્રશ્ન ઘણા લોકોને થતો હોય છે. આપણે બધાએ જોયું હશે કે મોટાભાગના શર્ટના ખિસ્સા ડાબી બાજુ હોય છે, પરંતુ શું તમે તેની પાછળનું કારણ જાણો છો? ચાલો તેનું કારણ જાણવાનો પ્રયાસ કરીએ.

• લોકોની સુવિધા પર ધ્યાન અપાયું

આપણે જોઈએ છીએ કે, મોટાભાગના શર્ટના ખિસ્સા ડાબી બાજુ હોય છે. તેની પાછળ કોઈ વૈજ્ઞાનિક કારણ નથી. લોકોની સુવિધાને ધ્યાનમાં રાખીને ખિસ્સાને ડાબી સાઈડ રાખવામાં આવે છે. મોટાભાગના લોકોને ડાબા ખિસ્સામાંથી વસ્તુઓ કાઢવાનું અથવા મૂકવાનું સરળ લાગે છે. આનું કારણ એ છે કે દુનિયાભરમાં મોટાભાગના લોકો જમણા હાથે કામ કરે છે.

જે લોકો જમણા હાથનો વધુ ઉપયોગ કરે છે, તેમના માટે ખિસ્સા ડાબી બાજુ રાખવાનું વધુ અનુકૂળ હોય છે. જોકે હવે ફેશનમાં ઘણો બદલાવ આવ્યો છે. પહેલાં ફક્ત પુરુષોના શર્ટમાં જ ખિસ્સા હતા અને તે પણ ફક્ત ડાબી બાજુએ. અને સ્ત્રીઓના શર્ટ પર ખિસ્સા નહોતા. સમય બદલાતાં મહિલાઓની સુવિધાને ધ્યાનમાં લેવાનું શરૂ થયું. સ્ત્રીઓના શર્ટમાં પણ ડાબી બાજુ ખિસ્સા લગાવવાનું શરુ થયું.

વધુ વાંચો : કાળા કપડા પહેરવાનું પસંદ કરતા લોકોની આવી હોય છે પર્સનાલિટી, સાયકોલોજીએ ખોલ્યા રાઝ

• શર્ટમાં બંને સાઈડ ખિસ્સાની ફેશન

ધીમે ધીમે આ એક વ્યાપક ટ્રેન્ડ બન્યો અને સમગ્ર વિશ્વમાં શર્ટની ડાબી બાજુ ખિસ્સા બનાવવાનું શરૂ થયું. જેમ જેમ ફેશન બદલાવા લાગી તેમ તેમ કેટલાક શર્ટમાં જમણી બાજુ અથવા તો બંને સાઈડ ખિસ્સા રહેવા લાગ્યા. ફેશનની દ્રષ્ટિએ ડાબી સાઈડ ખિસ્સા રાખવાથી શર્ટ વધુ આકર્ષક લાગતો હોય અને તેથી તે એક ટ્રેન્ડ બની ગયો. આ રીતે શર્ટની ડાબી બાજુ ખિસ્સા મૂકવાની પ્રથા શરૂ થઈ, જે હવે ફેશનનો એક હિસ્સો બની ગઈ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ