આશ્ચર્ય / આખરે 10 આંકડાનો જ કેમ હોય છે મોબાઈલ નંબર?, આ કારણ છે જવાબદાર

• આખરે 10 આંકડાનો જ કેમ હોય છે મોબાઈલ નંબર?
• દેશમાં 10 આંકડાના મોબાઈલ નંબર પાછળ છે આ કારણ જવાબદાર
• વર્ષ 2003 સુધી દેશમાં 9 ડીજીટના હતા મોબાઈલ નંબર

10 આંકડાના મોબાઈલ નંબર પાછળ NNP જવાબદાર

ભારતમાં 10 આંકડાના મોબાઈલ નંબર પાછળ સરકારની રાષ્ટ્રીય નંબરિંગ યોજના એટલેકે NNP છે. ઉલ્લેખનીય છે કે, જો મોબાઈલ નંબર એક ડીઝીટનો હશે તો 0 થી 9 સુધી ફક્ત 10 અલગ-અલગ નંબર બની શકશે. ત્યારબાદ ફક્ત કુલ 10 નંબર બનશે અને કુલ 10 લોકો તેનો ઉપયોગ કરી શકશે. બીજી તરફ 2 આંકડાનો મોબાઈલ નંબર હોવાથી પણ 0 થી 99 સુધી 100 નંબર બની શકશે અને માત્ર 100 લોકો તેનો ઉપયોગ કરી શકશે.

દેશની વસ્તી પણ છે એક કારણ

જેનું બીજુ કારણ ભારતની વસ્તી છે. અત્યારે દેશની વસ્તી સરેરાશ 130 કરોડ છે. જો નવ નંબરનો પણ મોબાઈલ નંબરનો ઉપયોગ કરવામાં આવે તો ભવિષ્યમાં દરેક લોકોને નંબર ફાળવી શકાય નહીં. બીજી તરફ 10 આંકડાનો મોબાઈલ નંબર બને છે તો કેલ્ક્યુલેશનની દ્રષ્ટિએ એક હજાર કરોડ અલગ-અલગ નંબર બનાવી શકાય છે. આ જ કારણ છે કે ભવિષ્યમાં નંબરોની વધતી માંગને જોઈને 10 આંકડાનો મોબાઈલ નંબર કરી દેવામાં આવ્યો.

પહેલાં 9 ડિજીટના હતા નંબર

ઉલ્લેખનીય છે કે વર્ષ 2003 સુધી દેશમાં 9 ડીજીટના મોબાઈલ નંબર હતા. પરંતુ દેશની વધી રહેલી વસ્તીને જોઈને ટ્રાઈએ તેને વધારીને 10 આંકડાનો કરી દીધો છે. તો 15 જાન્યુઆરી  2021થી ટેલિકોમ રેગ્યુલેટરી ઓથોરિટી ઓફ ઈન્ડિયાએ લેન્ડલાઈનમાં ફોન કરવા માટે નંબરની આગળ શૂન્ય લગાવવાનો નિર્દેશ આપ્યો છે. નંબર ડાયલ કરવાની આ પદ્ધતિમાં ફેરફારથી ટેલિકોમ કંપનીઓને મોબાઈલ સેવાઓ માટે 254.4 કરોડ વધુ નંબર તૈયાર કરવા માટેની સુવિધા મળશે.