ગરમીના દિવસોમાં પરસેવો થવો એ સામાન્ય બાબત છે, પરંતુ કેટલાક લોકોને ઠંડીમાં પણ માથુ, હથેળી કે પગમાં પરસેવો થાય છે. આપણે ક્યારેક તે બાબતને સામાન્ય સમજી લઇએ છીએ, પરંતુ ઠંડીમા પરસેવો થવો એ સામાન્ય વ્યક્તિના લક્ષણ નથી. મોટા ભાગના કેસમાં તે કોઇ બિમારીના લક્ષણ છે. કેટલાક કિસ્સામાં વ્યક્તિમાં મિનરલ્સની ઉણપ પણ હોઇ શકે છે. સાવ સામાન્ય હાલતમાં કોઇ પણ વ્યક્તિને ઠંડીમા પરસેવો થતો નથી. હા હેવી વર્ક આઉટ કરતી હોય તે વ્યક્તિની વાત અલગ છે.
ઠંડીમા પરસેવો થવો એ સામાન્ય વ્યક્તિના લક્ષણ નથી
એક વયસ્ક વ્યક્તિને રોજ લગભગ 400 મિલીગ્રામ મેગ્નેશિયમ અને 1000 મિલીગ્રામ કેલ્શિયમની જરુર હોય છે
ઠંડીમા પરસેવો થવો એ સામાન્ય વ્યક્તિના લક્ષણ નથી
સામાન્ય સંજોગોમાં જે વ્યક્તિનુ શુગર લેવલ ઓછુ હોય, માનસિક રોગ હોય, તણાવ અને ભયના કારણે ઠંડીમા પરસેવો થતો હોય છે. મેગ્નેશિયમ અને કેલ્શિયમ જેવા પોષકતત્વોની કમીથી ઠંડીની સીઝનમાં પણ પરસેવો થાય છે. મહિલાઓમાં આ સમસ્યા મેનોપોઝ બાદ, પ્રેગનન્સી કે થાઇરોઇડથી થઇ શકે છે.
જો તમને આવી સમસ્યા હોય તો પહેલા તમારા ફેમિલિ ડોક્ટરને મળો. આ સાથે સ્કીનની સફાઇનુ પણ ધ્યાન રાખો. ખાસ કરીને મોજા, હેલ્મેટ અને અંડર ગાર્મેન્ટ સાફ રાખો. સાથે સાથે તમારા ડાયેટનું પણ ધ્યાન રાખો. એક વયસ્ક વ્યક્તિને રોજ લગભગ 400 મિલીગ્રામ મેગ્નેશિયમ અને 1000 મિલીગ્રામ કેલ્શિયમની જરુર હોય છે. મેગ્નેશિયમ શરીરમાં 300થી પણ વધુ બાયોકેમિકલ રિએક્શન્સમાં મદદ કરે છે.
40 વર્ષ બાદ મહિલાઓએ રોજ લગભગ બે ગ્લાસ દુધ પીવુ જોઇએ. આમ તો દરેક ઉંમરની વ્યક્તિઓએ રોજ એક ગ્લાસ દુધ પીવુ જોઇએ. મેગ્નેશિયમની કમીથી વ્યક્તિને હાર્ટએટેકની શક્યતાઓ વધી જાય છે. તેની કમીથી બ્રેન સેલ્સ ડેમેજ પણ થઇ શકે છે,. યાદશક્તિ પર પણ અસર પડે છે અને ડિપ્રેશનની સમસ્યા પણ થઇ શકે છે.
આ કમીથી બચવા શું કરવું જોઇએ
મેગ્નેશિયમની કમીથી બચવા શરીરને હાઇડ્રેટ રાખવુ ખુબ જરુરી છે. આ માટે ભરપુર પાણી, છાશ, સુપ, હર્બલ ટી અને નારિયેલ પાણી પી શકાય છે. આ ઉપરાંત ડેરી પ્રોડક્ટ, બદામ, કાજુ, લીલા પાંદડાવાળા શાકભાજી જેમકે પાલક, સોયા મિલ્ક, કોળાના બી, કાળા બિન્સ, પનીર બટર, મગફળી, ઓટ્સ અને વિવિધ ફળો પણ ડાયેટમાં સામેલ કરવા જોઇએ.