IPLIN
 

વિરોધ / 9 દિવસથી કેમ સળગી રહ્યું છે ફ્રાન્સ: જનતા રસ્તા પર, ઠેર-ઠેર આગચંપી, દુનિયાભરને જ્ઞાન આપતું વેસ્ટર્ન મીડિયા મૌન

Team VTV 11:46 AM, 25 Mar 23 | Updated: 11:56 AM, 25 Mar 23
Follow us
Why is France burning for nine days due to a decision of Macron

ફ્રાંસના રાષ્ટ્રપતિ મેક્રોએ હાલમાં જ દેશમાં રિટાયરમેન્ટની ઉંમર 62 વર્ષથી વધારીને 64 વર્ષ કરી દીધી હતી. તેના માટે ફ્રાંસના સંસદમાં વોટિંગ થવાનું હતું. પરંતુ બતાવવામાં આવી રહ્યું છે કે ફ્રાંસના રાષ્ટ્રપતિએ એક બંધારણીય જોગવાઈ દ્વારા સંસદમાં વગર વોટિંગે જ આ કાયદો લાગુ કરી દીધો છે. 

  • ભડકે બળી રહ્યું છે ફ્રાંસ 
  • જાણો શું છે તેના પાછળનું કારણ 
  • સંસદમાં વોટિંગ વગર લાગુ કરવામાં આવ્યો કાયદો 

ફ્રાંસ સરકારના એક નિર્ણયના વિરોધમાં છેલ્લા 9 દિવસથી લોકો રસ્તા પર છે. લોકોમાં નવા પેન્શન સુધાર કાયદાને લઈને ગુસ્સો છે. મેંક્રો સરકાર વિરૂદ્ધ પ્રદર્શન કરી રહેલા લોકો હવે ઉગ્ર થઈ રહ્યા છે. આ વચ્ચે ગુરૂવારે હજારો પ્રદર્શનકારીઓએ અગચંપી કરી અને ખૂબ વિરોધ પ્રદર્શન કર્યો. પોલીસે ભીડ પર કાબુ મેળવવા માટે આંસુ ગેસના ગોળા છોડ્યા. 

ઉગ્ર બન્યો વિરોધ 
મધ્ય પેરિસમાં જ્યાં સામાન્ય રીતે પ્રદર્શન શાંતિપૂર્ણ રીતે થાય છે. ત્યાં પ્રદર્શનકારીઓને ઉગ્ર થતા જોવામાં આવ્યા. ત્યાં જ ઘણી દુકાનોમાં તોડફોડ કરવામાં આવી, સ્ટ્રીટ ફર્નીચર તોડવામાં આવ્યો અને રેસ્ટોરન્ટમાં પણ તોડફોડ કરવામાં આવી. પ્રદર્શનકારીઓ પર પાણીના ફૂવારા છોડવામાં આવ્યા. પોલીસે અત્યાર સુધી 21 લોકોની ધરપકડ કરી છે. 

કેમ થઈ રહ્યો છે વિરોધ? 
મેક્રો સરકારે હાલમાં જ દેશમાં રિટાયરમેન્ટની ઉંમર 62 વર્ષથી વધારીને 64 કરી દીધી હતી. મેક્રો સરકારનો આ નિર્ણય વોટિંગ વગર લેવામાં આવ્યો છે. 

આ વિરોધ બાદ મેક્રોએ કહ્યું કે શું તમને લાગે છે કે આ ફેરફાર કરીને મને ખુશી થઈ રહી છે. આ ફેરફાર કોઈ લક્ઝરી નથી. ન તો આ સુખદ છે આ અમારી જરૂરીયાત છે. અમે જેટલી જલ્દી આ કરીશુ તેટલું જ જલ્દી સમાધાન થશે. આ પેન્શન સુધાર દેશ માટે જરૂરી છે. 

સિસ્ટમને કંગાલ થવાથી બચાવવા લીધો નિર્ણય 
સરકારનો તર્ક છે કે ફ્રાંસની પેન્શન સિસ્ટમને કંગાલ થવાથી બચાવવા માટે આ પગલું ભર્યું છે. તેના માટે ફ્રાંસના સંસદમાં વોટિંગ થવાની હતી પરંતુ જણાવવામાં આવી રહ્યું છે કે ફ્રાંસના રાષ્ટ્રપતિએ એક બંધારણીય જોગવાઈ દ્વારા સંસદમાં વગર વોટિંગે જ આ કાયદો લાગુ કરી દીધો. 

લેબર યુનિયન્સને ડર છે કે જો સરકારે પેન્શન સુધારાને લઈને જનતાના વધી રહેલા ગુસ્સાને શાંત ન કર્યો તો પ્રદર્શન ભવિષ્યમાં વધારે હિંસક થઈ શકે છે. 

france France burning Macron President Macron Pension
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ