પરંપરા / ક્યા કારણથી ભારતીય સ્ત્રીઓ બંગડી પહેરે છે? સંસ્કૃતિ પ્રમાણે શું છે મહત્વ? 

• કેમ ભારતીય સ્ત્રીઓ પહેરે છે બંગડી
• અલગ અલગ જગ્યાએ અલગ મહત્વ 
• સ્ત્રીઓ અને બંગડીઓનું શું છે કનેક્શન

પરણેલી સ્ત્રીઓ માટે બંગડીઓ પહેરવુ અનિવાર્ય છે. કાચ, સોનુ કે અન્ય ધાતુની બંગડીઓ ભારતીય સ્ત્રીઓ પહેરે છે. મહિલાઓ પોતાના પતિના લાંબા આયુષ્ય માટે બંગડી પહેરે છે તેમજ બંગડીનુ ટૂટવુ અશુભ માનવામાં આવે છે. 

બંગડીનું મહત્વ
દરેક જગ્યાએ બંગડી પહેરવાની પરંપર અલગ અલગ છે પરંતુ બંગડીનો એક જ અર્થ થાય છે કે તેનાથી સ્નેહ વધે છે તથી બંગડી ટૂટવી અશુભ મનાય છે. 

સાઉથ ઇન્ડિયા
દક્ષિણ ભારતમાં સોનાને ખુબ જ શુભ માનવામાં આવે છે. કેટલાક લોકો તો કન્યાને સોનાની બંગડી સાથે લીલા કાચની બંગડી પણ પહેરાવે છે. લીલો રંગ સમૃદ્ધિનું પ્રતિક છે માટે ત્યાં આ પ્રકારે બંગડી પહેરવામાં આવે છે. 

બંગાળ
બંગાળી કન્યાને લગ્નમાં છીપલામાંથી બનેલી કોરલ રંગની બંગડી પહેરાવવામાં આવે છે. સ્થાનિક લોકો તેને શાખા અને પોલા કહે છે. કન્યા જ્યારે સાસરીમાં જાય છે ત્યારે તેને સાસુ લોખંડની બંગડીઓ આપે છે જેના પર સોનાનો ઢાળ ચડાવેલો હોય છે. 

ગુજરાતી તથા રાજસ્થાની
આ બંને જગ્યાએ લગ્નમાં કન્યાને હાથીદાંતમાંથી બનેલ ચૂડલા પહેરાવવામાં આવે છે. ગુજરાતી લગ્નમાં મામેરાનો રિવાજ હોય છે માટે મામા છોકરીને લાલ બોર્ડરવાળી સાડી સાથે ચૂડો આપે છે. 

મહારાષ્ટ્રીઅન લગ્ન 
મહારાષ્ટ્રમાં બંગડી પહેરવાની પ્રથા થોડી જુદી છે. કન્યા પોતાના હાથમાં લીલા રંગની કાચની બંગડીઓ પહેરે છે. લીલો રંગ રચનાત્મક, નવા જીવન તથી પ્રજનન ક્ષમતાનુ પ્રતિક છે.