દેશમાં દર વર્ષે 15 જાન્યુઆરીએ સેના દિવસ મનાવવામાં આવે છે. કારણ કે, આજના દિવસે જ 1949માં ફિલ્ડ માર્શલ કે એમ કરિયપ્પાએ ભારતીય સેનાનું સુકાન સંભાળ્યું હતું. કરિયપ્પા ભારતીય સેનાના પ્રથમ કમાન્ડર ઈન ચીફ હતા. કરિયપ્પાના ભારતીય ભૂમિ દળના શીર્ષ કમાન્ડરનું પદ ગ્રહણ કરવાને કારણે દર વર્ષે આ દિવસેને સેના દિવસ તરીકે મનાવવામાં આવે છે.
આ વખતે પ્રથમ વાર મહિલા અધિકારી તાનિયા શેરગિલ સંભાળશે
પ્રથમ ફિલ્ડ માર્શલ સૈમ માનેકશૉ હતા
કરિયપ્પા ભારતીય સેનાના પ્રથમ કમાન્ડર ઈન ચીફ હતી
જાણો કોણ છે કરિયપ્પા?
માર્શલ કરિયપ્પાનો જન્મ 1899માં કર્ણાટકમાં થયો હતો. તેમણે માત્ર 20 વર્ષની ઉંમરે બ્રિટિશ ઈન્ડિયન આર્મીમાં નોકરીની શરૂઆત કરી હતી. તેમણે વર્ષ 1947માં ભારત-પાકિસ્તાન યુદ્ધમાં પશ્ચિમી સરહદ પર સેનાનું નેતૃત્વ કર્યું હતું. આ સાથે જ દેશના ભાગલા સમયે કરિયપ્પાએ ભારત-પાકિસ્તાનની સેનાના ભાગલા પાડવાની જવાબદારી બખુબી નિભાવી હતી. કરિયપ્પા પ્રથમ એવા ઓફિસર હતા, જેમને ફિલ્ડ માર્શલની રેન્ક આપવામાં આવી હતી.
પ્રથમ ફિલ્ડ માર્શલ સૈમ માનેકશૉ
ભારતીય ઈતિહાસમાં અત્યાર સુધી આ રેન્ક માત્ર બે અધિકારીઓને આપવામાં આવ્યો છે. દેશના પ્રથમ ફિલ્ડ માર્શલ સૈમ માનેકશૉ છે. જેમને જાન્યુઆરી 1973માં રાષ્ટ્રપતિએ ફિલ્ડ માર્શલથી સમ્માનિત કરવામાં આવ્યા હતા. જ્યારે એમ કરિયપ્પા બીજા ફિલ્ડ માર્શલ હતા. જેમને 1986માં ફિલ્ડ માર્શલ બનાવવામાં આવ્યા હતા.
મહિલા કરશે આર્મી પરેડનું નૈતૃત્વ
આ વખતે આર્મી ડે ખાસ થવા જઈ રહી છે, કારણ કે, પ્રથમ વખત આર્મી પરેડનું એક મહિલા નેતૃત્વ કરશે. આર્મી ડે પરેડમાં પુરૂષની સૈન્ય ટૂકડી ભાગ લેશે. જેને ચોથી પેઢીની મહિલા અધિકારી તાનિયા શેરગિલ સંભાળશે.