Howdy Modi / ટ્રમ્પના એક કાંકરે બે નિશાન ? આ કારણે PM મોદી સાથે હાઉડી મોદી કાર્યક્રમમાં રહેશે હાજર

• Howdy Modi  કાર્યક્રમ નરેન્દ્ર મોદી સાથે કેમ જોડાશે ડોનાલ્ડ ટ્રમ્પ
• ટ્રમ્પના એક કાંકરે બે નિશાન

શા માટે કરવામાં આવી હ્યુસ્ટનની પસંદગી

એવી ચર્ચા છે કે રાષ્ટ્રપતિ ડોનાલ્ડ ટ્રમ્પ પણ કાર્યક્રમને સંબોધન કરી શકે છે. હકીકતમાં, 'હાઉડી મોદી' કાર્યક્રમ જેટલું ભારતીય પ્રધાનમંત્રી નરેન્દ્ર મોદી માટે અગત્યનો છે તેનાથી વધુ અમેરિકન રાષ્ટ્રપતિ ટ્રમ્પ માટે આ કાર્યક્રમ મહત્વપૂર્ણ છે અને આ કાર્યક્રમ માટે હ્યુસ્ટનને પણ એક રણનીતિની રીતે જ પસંદ કરવામાં આવેલ છે. 

શા માટે ભારત માટે મહત્વનો છે આ કાર્યક્રમ

Howdy Modi આ કાર્યક્રમ એવા સમયે યોજવામાં આવી રહ્યો છે જ્યારે તાજેતરના દિવસોમાં ખાસ કરીને વેપાર મોરચે ભારત અને અમેરિકા વચ્ચે તણાવ સર્જાયો છે, જ્યારે ભારતે ઘણા અમેરિકન ઉત્પાદનો પર ડ્યુટી વધારવાનો નિર્ણય લીધો, ત્યારે યુએસ પ્રમુખ ડોનાલ્ડ ટ્રમ્પે ખુલ્લેઆમ તેનો વિરોધ નોંધાવ્યો હતો. ભારતે ડ્યુટી વધાર્યા પછી તેમણે કહ્યું હતું કે 'ભારત લાંબા સમયથી અમેરિકન ઉત્પાદનો પર ડ્યૂટી લાદી રહ્યું છે. હવે તે સહન નહીં થાય. 

બીજી તરફ, જમ્મુ-કાશ્મીરમાંથી આર્ટિકલ 370 પરત ખેંચ્યા બાદ વૈશ્વિક સ્તરે આ બાબતે ઘણી વાતો કરવામાં આવી છે. આ સંજોગોમાં પીએમ મોદી અને રાષ્ટ્રપતિ ટ્રમ્પનું એક સ્ટેજ પર આવવું વિશ્વને સકારાત્મક સંદેશ આપશે કે કેટલાક મુદ્દાઓ પર મતભેદો હોવા છતાં ભારત અને અમેરિકા ખભેખભા મિલાવી ઉભા છે.  

ટ્રમ્પના એક તીરથી બે નિશાન

અમેરિકા હાલમાં ચીન સાથે ખાસ કરીને વ્યવસાયિક મોરચે પ્રોક્સી યુદ્ધ લડી રહ્યું છે. બંને દેશો વચ્ચે નિવેદનબાજી થતી રહે છે. જો કે આ મોરચે અમેરિકા અને ભારતના સંબંધો વિશે પણ વાત કરવામાં આવી રહી છે. આવી સ્થિતિમાં 'હાઉડી મોદી' કાર્યક્રમ બંને દેશો માટે તેમના મતભેદો ભૂલીને આગળ વધવા માટે એક મહત્વપૂર્ણ પ્લેટફોર્મ સાબિત થઈ શકે છે. નિષ્ણાતોના મતે ઉર્જા માટેની વધતી માંગને ધ્યાનમાં રાખીને અમેરિકા આ ​​મોરચે સક્રિયપણે મહત્વની ભૂમિકા ભજવવાનો પ્રયાસ કરી રહ્યું છે અને આગામી દિવસોમાં તે તેનું ઓઇલ અને ગેસનું વેચાણ વધારવા માંગે છે. નેશનલ એશિયન અમેરિકનના સર્વે મુજબ 2016ની ચૂંટણીમાં ભારતીય મૂળના અમેરિકન નાગરિકોનું વલણ ટ્ર્મ્પની જગ્યાએ હિલેરી ક્લિન્ટન તરફ હતું.