વર્લ્ડ ક્રિકેટમાં ઑલરાઉન્ડર તરીકે જે ખિલાડીઓની ચર્ચા સૌથી વધારે થઇ રહ્યી છે તેમાં ટીમ ઇન્ડિયાના ગુજ્જૂ ઑલરાઉન્ડર હાર્દિક પંડ્યા પણ શામેલ છે.
ઇંગ્લેન્ડમાં થનારા વર્લ્ડ કપ તેના અને ટીમ ઇન્ડિયા માટે ખૂબ જ ખાસ માનવામાં આવી રહ્યો છે. IPL 2019ના ફોર્મને ધ્યાનમાં રાખતા ટીમ ઇન્ડિયાના ફેન્સને હાર્દિક પંડ્યાને લઇને ઘણી આશા છે.
હાર્દિક પંડ્યાને ટીમના પ્રમુખ ફાસ્ટ બૉલર-ઓલરાઉન્ડર તરીકે જોવામાં આવી રહ્યો છે, તેના રહેવાથી ટીમ બેલેન્સ લાગે છે, હાર્દિકનો ઉપયોગ ત્રીજા પેસર તરીકે પણ કરવામાં આવી શકે છે અને મિડલ ઓર્ડર બેટિંગ પણ કરાવી શકાય છે. મુંબઇ ઇન્ડિયન્સ માટે રોહિત શર્માં જે રીતે તેને રમવા મોકલતો તે સફળ જ રહેતો હતો. જોકે હવે વિરાટ પર આધારિત છે કે તે ઑલરાઉન્ડર તરીકે કેવી રીતે ઉપયોગ કરે છે.
હાર્દિક પંડ્યાને ટેક્નિક ભલે બેટિંગ સ્પેશિલિસ્ટની જેમ ના હોય પરંતુ તેની ડેથ ઑવર્સમાં શાનદાર બેટિંગ ઘણી મહત્વપૂર્ણ છે. જો તે પીચ પર સેટ થઇ જાય તો તે મોટી ઇનિંગ રમી શકે છે. આ સાથે તે જેટલો સમય મેદાનમાં રહે છે ત્યારે રન ઝડપથી થાય છે. સૌથી મહત્વની વાત છે કે, હાર્દિક તાજેતરમાં જ હેલિકૉપ્ટર શૉટ મારવાનું શીખી ગયો છે. આ શૉટ તેણે IPLમાં ખૂબ ફટાકાર્યો છે.
હાર્દિક પંડ્યા IPL 2019 માં આંદ્રે રસેલ પછી સૌથી વિસ્ફોટક બેટ્સમેન સાબિત થયો. ક્રિઝ પર આવતાા જ વિરોધી ટીમના બૉલર્સ પર હાવી થઇ જતો અને શાનદાર રમતો. કોઇ પણ લેન્થનીબૉલ પર બાઉન્ડ્રી લગાવવાની તેની ખાસિયત બૉલર્સને પ્રેશરમાં લાવી દેતી.
ઉલ્લેખનીય છે, કે ચેટ શૉ 'કૉફી વિથ કરણ'ના વિવાદ પછી હાર્દિકમાં ઘણો બદલાવ જોવા મળ્યો. આ વિવાદ તેણે શાંત રહી અને સારુ ફોર્મ આપવાનું શીખવાડી ગયો. IPL 12માં 402 રન , 16 મેચ, 44.66 એવરેજ અને 191.42ના સ્ટ્રાઇક રેટથી સારુ ફોર્મ કર્યુ. જોકે હવે ટીમ ઇન્ડિયાને આશા છે કે આ પ્રકારનું ટેમ્પરામેન્ટ તે વર્લ્ડ કપમાં દેખાડે.