ટીમ ઇન્ડિયાનો ઑલરાઉન્ડર હાર્દિક પંડ્યાનું કહેવું છે કે તેની સરખામણી ટીમ ઇન્ડિયાને વર્લ્ડ કપ જીતાડનારા લેજેન્ડ ઑલરાઉન્ડર સાથે કરવી યોગ્ય નથી પોતે જે છે તે જ બની રહેવા માગે છે.
ઇંગ્લેન્ડ વિરુદ્ઘ હાર્દિકે ત્રીજી ટેસ્ટ મેચના બીજા દિવસે 28 રન આપીને 5 વિકેટ લઇને ટીમ ઇન્ડિયાને મજબૂત સ્થિતિમાં મૂકી દેનારા હાર્દિક પંડ્યાને એક લેજન્ડ ખેલાડી સાથેની પોતાની સરખામણીથી ખુશ નથી. જી હા ટ્રેન્ટ બ્રિજના ગ્રાઉન્ડ પર શાનદાર ફૉર્મમાં રહેનારા હાર્દિક પંડ્યાની સરખામણી ઓલરાઉન્ડર કપિલ દેવ સાથે કરવામાં આવી રહી છે. જોકે આ મુદ્દે હાર્દિકનું કહેવુ છે કે ''તે કપિલ દેવ નથી અને ક્યારેય બનવા પણ નથી માંગતો પોતે હાર્દિક પંડ્યા જ રહીને ખુશ છે તેવું પણ જણાવ્યું હતુ. પંડ્યાએ જણાવ્યુ કે તેણે કપિલ દેવ માટે ખૂબ જ માન છે પરંતુ હું હાર્દિક પંડ્યા જ બની રહેવા માગું છું.''
ઑલરાઉન્ડર હાર્દિક પંડ્યાએ કહ્યુ કે ''મેં મારા કરિયરમાં 40 વનડે 10 ટેસ્ટ મેચ રમી છે અને હું હાર્દિક છું કપિલવ નથી. આ યુગમાં ઘણા દિગ્ગ્જો રહ્યા એવામાં મને હાર્દિક જ રહેવા દો. મારી કોઇ બીજા સાથે સરખામણી ના કરો. મારા સરખામણી કરવાનું બંધ કરો મને આનંદ થશે.''