બોલીવૂડ એક્ટર અનીલ કપૂરની દીકરી રિયા કપૂરે પોતાના લોન્ગટર્મ બોયફ્રેન્ડ કરણ બૂલાની સાથે લગ્ન કરી લીધા છે. આ લગ્ન ખુબ જ સાદાઇથી કરવામાં આવ્યા હહતા.
રિયા કપૂરે કરણ બુલાની સાથે કર્યા લગ્ન
રિયાના લગ્નમાં માત્ર કપૂર પરિવાર જ હતો
કેમ નહોતા આવ્યા લગ્નમાં મહેમાન ?
કપૂર પરિવાર જ બન્યો સાક્ષી
રિયા અને કરણના લગ્નમાં માત્ર કપૂર પરિવાર જ હાજર હતો. પરિવાર સિવાય કોઇ મહેમાન દેખાયું નહોતું, જેણે તે વિચારવા પર મજબૂર કરી દીધા કે રિયાના લગ્નમાં કેમ કોઇ મહેમાન નહોતું. હવે તેનું કારણ સામે આવ્યું છે.
રિયા કપૂરના લગ્નને એક અઠવાડીયું થઇ ગયુ છે અને લગ્નની તૈયારીઓ પણ ખુબ સિક્રેટલી કરવામાં આવી હતી. કપૂર પરિવારે લગ્નની વાત કોઇની સાથે પણ શૅર કરી નહોતી. લગ્નની એક રાત પહેલા મીડિયા અને ઇન્ડસ્ટ્રીને આ વાતની જાણ થઇ હતી. બાદમાં સોશ્યલ મિડીયા પર લગ્નની તસવીરો શૅર કરવામાં આવી હતી.
લગ્ન બાદ ઇન્ડસ્ટ્રી સાથે જોડાયેલા મિત્રોને એક કાર્ડ મોકલનામાં આવ્યું છે. જેકી શ્રોફની પત્નીએ આ કાર્ડ સોશ્યલ મિડીયા પર શૅર કર્યુ છે જેમાં લખ્યું છે કે શા કારણથી મિત્રોને લગ્નમાંનહોતા બોલાવવામાં આવ્યા.
આયશાએ આ કાર્ડ શૅર કરીને દંપતિને આશીર્વાદ આપ્યા છે. આ કાર્ડમાં લખ્યું છે કે, આ ઘોષણા કરતા ખુશી થઇ રહી છે કે 14-08-2021ના રોજ કરણ અને રિયાના લગ્ન ઘરમા જ એક નાના સમારોહ દ્વારા કરવામાં આવ્યા હતા. સમયની પરિસ્થિતિએ અમને પ્રિયજનોને લગ્નમાં બોલાવવા માટે રોકી દીધા હતા.
અમે સૌને દિલથી ખુબ મિસ કર્યા પરંતુ તમે અમારા હ્રદયમાં જ છો. રિયા અને કરણ એક સાથે નવી લાઇફ શરૂ કરી રહ્યાં છે. અમે તેમની આગળની જર્ની માટે માત્ર તમારા આશીર્વાદ અને પ્રેમ માંગીએ છીએ. અમે આશા કરીએ છીએ કે જેવું બધુ નોર્મલ થઇ જશે સૌની સાથે જશ્ન મનાવીશું.
કાર્ડ પર બૂલાણી અને કપૂર પરિવારની સાઇન છે. જ્હાનવી કપૂર, અંશુલા કપૂર, અર્જુન કપૂર, ફરાહ ખાન, શનાયા કપૂર, બોની કપૂર, મહીપ કપૂર અને સંજય કપૂર સહિત ઘણા લોકો સામેલ થયા હતા. રિયા અને કરણના લગ્નની તસવીરો સોશ્યલ મિડીયા પર વાયરલ થઇ હતી.