જાણવા જેવું / ફેસબુકને નામ કેમ બદલવું પડ્યું? કેવી છે મેટાવર્સની દુનિયા? જાણો તમારા અકાઉન્ટને શું ફરક પડશે?

• ફેસબુકે બદલી નાખ્યું કંપનીનું નામ 
• માર્ક ઝુકરબર્ગે કરી જાહેરાત 
• જાણો કેમ રાખવામાં આવ્યું આવું નામ 

સોશિયલ મીડિયા દિગ્ગજ ફેસબુકે પોતાની કંપનીનું નામ બદલીને હવે 'મેટા' કરી દીધું છે. કંપનીના સીઈઓ માર્ક ઝુકરબર્ગે ગુરુવારે તેની જાહેરાત કરી હતી. નામ બદલવાની જાણકારી અમુક દિવસો પહેલા જ આપવામાં આવી હતી. અમે તમને જણાવી એ કે કંપનીએ નામ બદલાવો નિર્ણય કેમ લીધો અને તેના પાછળનું કારણ શું છે. 

માર્ક ઝુકરબર્ગની આવી હતી ઈચ્છા 
હકીકતે માર્ક ઝુકરબર્ગ ઈચ્છતા હતા કે તેમની કંપનીને ફક્ત એક સોશિયલ મીડિયા કંપનીની રીતે ન ઓળખવામાં આવે. કંપની સોશિયલ મીડિયાથી આગળ વધીને મેટાવર્સ વર્લ્ડની તૈયારી કરી રહી છે. તેના માટે કંપનીએ 10 હજાર લોકોને હાયર પણ કર્યા છે. જે મેટાવર્સ બનાવવામાં કંપનીની મદદ કરશે. મેટાવર્સને તમે વર્ચુઅલ રિયાલિટીની રીતે પણ સમજી શકો છો. 

માઈક્રોસોફ્ટ જેવી કંપનીઓ પણ કરી રહી છે મેટાવર્સ પર રોકાણ 
એટલે કે એક એવી દુનિયા જ્યાં લોકોની હાજરી ડિજિટલ રીતે હોય છે. લોકો ડિજિટલી એક બીજાને મળશે. તમને જણાવી દઈએ કે મેટાવર્સ પર ફેસબુક જ નહીં પરંતુ માઈક્રોસોફ્ટ જેવી મેટી કંપનીઓ પણ રોકાણ કરી રહી છે. માર્ક ઝુકરબર્ગ ઘણા સમય પહેલાથી વર્ચુઅલ રિયાલિટી અને ઓગમેન્ટડ રિયાલિટી પર રોકાણ કરતા આવ્યા છે. 

કુલ મળીને કહીએ તો મેટાવર્સની દુનિયામાં આગળ વધવા માટે ફેસબુકે પોતાનું નામ બદલીને મેટા કરી દીધુ છે. કંપનીનો પ્રયત્ન છે કે લોકો હવેથી ફેસબુક કંપનીને ફક્ત સોશિયલ મીડિયા કંપનીની રીતે ન ઓળખે. હવે નામ બદલ્યા બાદ જલ્દી જ કંપનીની તરફથી ઘણી મોટી જાહેરાતો પણ સામે આવી શકે છે. 

તમારા પર શું થશે અસર? 
તમને જણાવી દઈએ કે જે નામમાં ફેરફાર કરવામાં આવ્યા છે તે પેરેન્ટ કંપની માટે છે. એટલે કે ફેસબુકની કંપનીનું નામ બદલીને મેટા કરી દેવામાં આવ્યું છે. કંપનીના બાકી પ્લેટફોર્મ્સ જેવા કે- ફેસબુક, ઈન્સ્ટાગ્રામ અને વોટ્સએપને એજ નામોથી જાણવામાં આવશે. એટલે નામ બદલવાથી યુઝર્સ પર સીધી કોઈ અસર નહીં પડે.