ટિકટોક / રેડિટ કંપનીના સીઇઓ કેમ લોકોને ટિકટોક ઇન્સ્ટોલ કરવાની ના પાડે છે?

• સીઇઓ સ્ટીવ હફમેન ટિકટોક ઇન્સ્ટોલ કરવાની ના પાડે છે
• ટિકટોક યુઝર્સની જાસુસી કરતું સ્પાયવેર છે-સ્ટીવ હફમેન 
• જે ફિંગર પ્રિન્ટ ટેકનિક ટિકટોક વાપરે છે તે ભયંકર છે
• ટિકટોક પર અશ્લીલતા અને ડેટા એકત્રિત કરવાનો આરોપ

સ્પાયવેર એટલે એવી એપ કે સોફટવેર જે યુઝર્સની જાણ બહાર તેનો તમામ ડેટા ચુપચાપ એકસેસ કરે છે. સ્ટીવ હફમેને વધુમાં કહ્યું હતું કે, ટિકટોક હંમેશા તમારા પર નજર રાખે છે અને તમને સાંભળે છે. જે ફિંગર પ્રિન્ટ ટેકનિક ટિકટોક વાપરે છે તે ભયંકર છે. તેમણે કહ્યું કે, જ્યારે પણ લોકો ટિકટોક વિશે વાત કરે છે ત્યારે તેઓ આ સ્પાયવેરને તેમના ફોનમાં ઇન્સ્ટોલ કરવાની ના પાડે છે.

ઉલ્લેખનીય છે કે, ગયા વર્ષે ઓક્ટોબરમાં ટિકટોકના પ્રતિનિધિઓને અમેરિકાની વિદેશી રોકાણોની સમિતિ (CFIUS) દ્વારા તપાસ માટે બોલાવવામાં આવ્યા હતા. ટિકટોક પર અશ્લીલતા અને ડેટા એકત્રિત કરવાનો આરોપ અવારનવાર મૂકવામાં આવે છે તમિલનાડુની અદાલતે સરકારને  ટિકટોક પર પ્રતિબંધ મૂકવા કહ્યું હતું.
 
જો કે, આ પ્રતિબંધ થોડા દિવસ પછી હટાવવામાં આવ્યો હતો. અમેરિકામાં જ હમણા એક યુવતીએ ટિકટોક પર ગેરકાયદેસર રીતે ડેટા એકત્ર કરીને તેને ચીનના સર્વરમાં મોકલવામાં આવે છે. તેવા આક્ષોપો સાથે કોર્ટમાં કેસ કર્યો છે.