રિલેશનશિપ / આવું પણ બને! જાન્યુઆરીમાં કેમ વધી જાય છે તલાકના કિસ્સા, રસપ્રદ છે કારણ

ગઈકાલે એટલે કે 6 જાન્યુઆરીના રોજ ડિવોર્સ ડે ગયો છે. શું તમે જાણો છો કે, આ  જાન્યુઆરી મહિનામાં લોકો મોટા પ્રમાણમાં છૂટાછેડા લેવાનો નિર્ણય કરે છે? આથી જ તેને ડિવોર્સ મંથ પણ કહેવાય છે. ઘણા લોકો ન્યૂ ઇયર અને ક્રિસમસના સેલિબ્રેશનમાં બીઝી થઈ જાય છે, જેના કારણે પણ સંબધમાં ખટાસ આવે છે.

USA ટુડેના અહેવાલ મુજબ જાન્યુઆરીના પ્રથમ સપ્તાહમાં છૂટાછેડાના કેસ અને નવા ક્લાયન્ટની સંખ્યા વધી જાય છે. એક સ્ટડી અનુસાર 2001 અને 2015 વચ્ચે વોશિંગ્ટનમાં ડિસેમ્બરની સરખામણીમાં જાન્યુઆરી મહિનામાં છૂટાછેડાના કેસમાં નોંધપાત્ર વધારો થયો હતો. તો રિચાર્ડ નેલ્સન LLPના અહેવાલ મુજબ જાન્યુઆરીમાં "DIY ડિવોર્સ" અને "ક્વિકી ડિવોર્સ" જેવી Google સર્ચ પણ 100 ટકા વધી જાય છે. આ સિવાય છૂટાછેડાના વકીલોનો સંપર્ક કરનારા લોકોની સંખ્યામાં પણ 30 ટકાનો વધારો થાય છે.

• નાતાલ બાદ સંબંધોમાં તણાવ
  સંબંધોમાં તણાવનું મુખ્ય કારણ નાતાલની રજાઓ દરમિયાન આવતી મુશ્કેલીઓને માનવામાં આવે છે. આ દરમિયાન સંબંધીઓ સાથે સમય પસાર કરવો, મોંઘી ભેટો આપવી અને વિશેષ ખોરાક બનાવવા જેવી જવાબદારીઓ લોકો પર ભારે પડી શકે છે. પહેલાથી જ કમજોર સંબંધો માટે આ સમય વધુ મુશ્કેલ બની જાય છે. ઘણા લોકો પરિવાર માટે રજાઓમાં એક સાથે રહે છે,પરંતુ નવા વર્ષમાં અલગ થવાનો નિર્ણય કરે છે.

વધુ વાંચો : બેડમાં પતિ પત્ની અજાણતા પણ ન કરે 5 ભૂલ, સંબંધમાં ક્યારે ખટરાગ આવશે ખબર પણ નહીં પડે

• મનોવિજ્ઞાન મુજબ કયુ રહે છે કારણ?

સાયકોલોજિસ્ટ મુજબ નવું વર્ષ શરૂ થતાની સાથે જ લોકો તેમના જીવનને સુધારવા વિશે વિચારે છે. તેઓ ગયા વર્ષને પાછળ છોડીને એક નવી શરૂઆત કરવા માંગે છે. જ્યારે લોકો નવા વર્ષ માટે લક્ષ્યો નક્કી કરે છે, ત્યારે તેઓ તેમના સંબંધોનું મૂલ્યાંકન પણ કરતા હોય છે. જો તેમને લાગે કે તેમનો સંબંધ તેમના જીવનમાં બોજ બની ગયો છે, તો તેઓ તેને સમાપ્ત કરવાનું નક્કી કરે છે. આથી જ છૂટાછેડાના કેસ માટે જાન્યુઆરી મહિનો ખૂબ જ મહત્વપૂર્ણ માનવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ