તમે જોયુ જ હશે કે જ્યારે તમે કોઇ થિયેટરમાં ફિલ્મ જોવા જાઓ ત્યારે કોર્નરની સીટ પહેલાથી બુક્ડ થઇ ગઇ હોય છે અથવા તો તે બુક કરાવવા માટે કપલ પડાપડી કરતા હોય છે. તમે જો ઓનલાઇન ટિકિટ બુક્ડ કરતા હોવ તો ત્યાં પણ તમે જોયુ હશે કે મોટાભાગની કોર્નર સીટ બુક્ડ હોય છે. તેમાં પણ મોટાભાગે હોરર તેમજ રોમેન્ટિક ફિલ્મોમાં કોર્નરની સીટની ભારે ડિમાન્ડ જોવા મળતી હોય છે. તો ચાલી જાણીએ કોર્નર સીટમાં મૂવી જોવાના કારણો...
જો કોઇ કપલ થિયેટરમાં ફિલ્મ જોવા જાય અને તે વચ્ચેની લાઇનવાળી ટિકિટ લે તો તેની આસપાસ કોણ બેઠુ હશે તે અગાઉથી ખ્યાલ નથી આવતો. જેના કારણે કપલ અને તેમાં પણ ખાસ કરીને યુવતીઓ અનકર્મ્ફર્ટેબલ અનુભવતી હોય તેવું પણ જોવા મળે છે. ઘણી વખત તો આ કારણે કપલની સુરક્ષાના પણ પ્રશ્નો સામે આવ્યા છે. કોર્નર સિવાયની અન્ય સીટ્સમાં જો કપલ આસપાસ પરિવાર અને તેમાં પણ ખાસ કરીને બાળકો અથવા તો વડીલ બેઠા હોય તો કપલનો ફિલ્મ જોવાનો રોમાન્સ ઓછા થઇ જાય છે ને બંને કારણોસર કપલ કોર્નર સીટને જ પ્રાથમિકતા આપે છે.
કપલ થિયેટરમાં એટલા માટે કોર્નર સીટ પસંદ કરે છે કારણ કે તેઓ કોર્નર સીટમાં એક અલગ જ દુનિયામાં ખોવાઇ જાય છે તેઓ ત્યાં સંકોચ અને કોઇપણ પ્રકારની શરમ રાખ્યા વિના એકબીજાને પૂરતો સમય આપી શકે છે. ત્યાં તેઓ ધીમા અવાજે વાતો પણ કરી શકે છે અને સાથે જ ખાવાપીવાનો આનંદ પણ માણી શકે છે. આસપાસ લોકો શું વિચારશે તેની ચિંતા વિના કોર્નર સીટનું કપલ એક અલગ જ દુનિયામાં ખોવાઇ જાય છે.
વાત જાણો એમ છે કે જાહેર જગ્યાઓ જેવી કે ગાર્ડન અને મોલ્સ વગેરેમાં જો કપલને શાંતિથી એકબીજાની સાથે સમય પસાર કરવો હોય તો ઘણી વખત વિવિધ પ્રકારની અડચણોના કારણે તે શક્ય બનતુ નથી. જ્યારે થિયેટરની કોર્નર સીટમાં કપલને કોઇપણ પ્રકારની અડચણો કે અવરોધો જોવા નથી મળતા. જ્યારે રોમાન્ટિક ફિલ્મ જોતી વખતે તો કોર્નર સીટમાં બેઠેલા કપલનો આનંદ બમણો થઇ જાય છે.
એવું નથી કે જો કોઈ કપલ કોર્નર સીટમાં ફિલ્મ જોવા જાય તો તેણે કોર્નર સીટ માટેના વધુ પૈસા ચૂકવવા પડશે કારણ કે તેમની પસંદગીની સીટ્સ છે. પણ જે-તે લાઈનની તે ફિલ્મની ટિકિટનો ભાવ હશે તે ભાવમાં જ કપલને કોર્નર સીટની ટિકિટ મળી જશે. ઘણી જગ્યાએ તો કપલ ટિકિટ લેવા જાય ત્યારે ટિકિટ કાઉન્ટર બેઠેલી વ્યક્તિ જ કોર્નર સીટ લેશો તેવું પૂછી લે છે. હવે તો ટિકિટ ખરીદતા પહેલા જ કપલ જે કોર્નર સીટમાં બેસવાનું છે. તેની વ્યવસ્થા પણ અગાઉથી જ જોવા મળી જાય છે.