મનોરંજન / ઓસ્કારમાં રામ ચરણે 'નાટુ નાટુ' પર કેમ ન કર્યું પરફોર્મ? ખુલાસો કરતાં એક્ટરે કહ્યું, 'અમે તૈયાર હતા પણ..'

• રામ ચરણ અને જુનિયર NTR સ્ટેજ પર ન કરી શક્યા પરફોર્મ 
• અમે પરફોર્મ કરવા માટે 100% તૈયાર હતા પણ.. -રામ ચરણ
• ઓસ્કાર એવોર્ડ્સમાં ટ્રોપે અમારા કરતાં વધુ સારું કામ કર્યું

RRR ફિલ્મે ઓસ્કાર 2023માં ધૂમ મચાવી છે અને એવોર્ડ જીતવાથી લઈને સ્ટેજ પર આ દમદાર ગીતની રજૂઆતે બધાનું દિલ જીતી લીધું છે. બેસ્ટ ઓરીજનલ સોંગ માટે ઓસ્કાર જીતવો એ ભારતીયો માટે ગર્વ અને આનંદની ક્ષણ હતી. આ બધું હોવા છતાં દરેકની દિલથી ઈચ્છા હતી, જે અધૂરી રહી છે. ચાહકો ઈચ્છતા હતા કે 'RRR' એક્ટર રામ ચરણ અને જુનિયર NTR સ્ટેજ પર 'નાટુ નાટુ' પર પરફોર્મ કરે પણ એ થઈ શક્યું નહીં. અત્યાર સુધી ફિલ્મની સ્ટારકાસ્ટે આ મામલે મૌન સેવ્યું હતું જો કે હવે રામ ચરણે આ અંગે પોતાની પ્રતિક્રિયા આપી છે.

એસએસ રાજામૌલીની આ ફિલ્મના ગીત'નાટુ નાટુ'ને બેસ્ટ ઓરીજનલ સોંગનો ઓસ્કાર મળ્યો હતો. આ સાથે જ ગાયક કાલ ભૈરવ અને રાહુલ સિપલીગંજે સ્ટેજ પર પરફોર્મ કર્યું હતું. જો કે રામ ચરણ અને જુનિયર એનટીઆર એક્ટનો ભાગ ન હતા. એ કેમ બન્યું એ વિશે રામ ચરણે આ અંગે પોતાનું મૌન તોડતા ખુલાસો કર્યો છે કે તે પરફોર્મ કરવા માટે 100% તૈયાર હતા પણ ત્યાંથી ફોન જ નહતો આવ્યો. 

Truly an honour to meet our Honourable Home Minister @AmitShah Ji at the @IndiaToday Conclave.
Thank you sir for appreciating the efforts of @RRRMovie team 🙏@KChiruTweets https://t.co/YvjdOLzqUk

— Ram Charan (@AlwaysRamCharan) March 17, 2023

ઓસ્કાર ઈવેન્ટમાંથી પરત ફર્યા બાદ એક ઈન્ટરવ્યુમાં રામ ચરણે કહ્યું હતું કે તે ઓસ્કર એવોર્ડસ્ માં  'નાટુ નાટુ' પર પરફોર્મ કરવા ઈચ્છતો હતો. હા ત્યાં ડાન્સ ગ્રુપે શાનદાર પરફોર્મન્સ આપ્યું હતું . હું ત્યાં પરફોર્મ કરવા માટે તૈયાર હતો પણ મને તેનો ફોન આવ્યો નહીં. ખબર નહીં કેમ પણ આવ્યો નહીં. જો કે ટ્રોપે અમારા કરતાં વધુ સારું કામ કર્યું. અમે ઘણા ઇન્ટરવ્યુમાં આ કર્યું છે હવે અમારા માટે આરામ કરવાનો સમય આવી ગયો છે.'

જણાવી દઈએ કે એસએસ રાજામૌલી દ્વારા નિર્દેશિત પીરિયડ એક્શન ડ્રામા ફિલ્મમાં 'નાટુ નાટુ' રામ ચરણ અને જુનિયર એનટીઆર ઉપર શૂટ કરવામાં આવી હતી. આ ગીતે દેશ-વિદેશમાં ફેલાયેલા ચાહકોના દિલ જીતી લીધા હતા. બેસ્ટ ઓરિજિનલ સોંગ માટે ઓસ્કાર જીત્યા બાદ 'નાટુ નાટુ' એ ઈતિહાસ રચ્યો હતો.