પિતાનું દર્દ / સિદ્ધુ મુસેવાલાના પિતાએ કેમ આપ્યું એક મહિનાનું અલ્ટીમેટમ, બોલ્યા- નહીંતર દેશ છોડી દઇશ

• સિદ્ધુ મુસેવાલાના પિતાએ કેમ આપ્યું 1 મહિનાનું અલ્ટીમેટમ
• સિદ્દુ મુસેવાલની હત્યાને 5 મહિનાથી વધુ સમય થઈ ગયો
• ન્યાય  નહીં મળે તો તે દેશ છોડી દેશે:બલકાર સિંહ

બલકાર સિંહે પોતાનું દર્દ વ્યક્ત કરતા કહ્યું કે મેં દેશની સેવા કરી છે. હું એક નિવૃત સૈનિક છું. હું સતત ન્યાયની માંગણી કરી રહ્યો છું. પરુંતુ આજ સુધી ન્યાય મળ્યો નથી. પરંતું મને હેરાન કરવામાં આવી રહ્યો છે. તેણે કહ્યું કે તે 25 નવેમ્બર સુધી રાહ જોશે.

કોંગ્રેસ નેતા અને પંજાબી ગાયક સિદ્દુ મુસેવાલની હત્યાને 5 મહિનાથી વધુ સમય થઈ ગયો છે. પરંતું તેનો પરિવાર હજુ પણ પોલીસની કાર્યવાહિથી સંતુષ્ય નથી. મુસેવાલના પિતા બલકારસિંહે કહ્યું કે જો ન્યાય  નહીં મળે તો તે દેશ છોડી દેશે. તેણે આ વાત પોતાના ધરે એકઠા થયેલ મુસેવાલના ચાહકોને સંબોધિત કરતી વખતે કહી.

તપાસ એજન્સી છોકરીઓને પણ પરેશાન કરી રહી છે
બલકાર સિંહનો આરોપ છે કે તપાસ એજન્સી છોકરીઓને પણ પરેશાન કરી રહી છે. જેઓ તેમના પુત્ર સાથે સહાનુભૂતિપૂર્વક જોડાયેલા હતા તેમને પણ હેરાન કરવામાં આવી રહ્યા છે. જાની જોહલ (પંજાબી સિંગર)ને નોટિસ મોકલવામાં આવી છે. તેણે પંજાબ પોલીસને 25 નવેમ્બર સુધીનું અલ્ટીમેટમ આપતા કહ્યું કે જો તેને ન્યાય નહીં મળે અને 25 નવેમ્બર સુધીમાં તપાસ પૂરી નહીં થાય તો તે એક મહિનામાં દેશ છોડીને વિદેશ જશે અને ત્યાં જ રહેશે. બલકાર સિંહે કહ્યું કે સિદ્ધુ મુસેવાલાને પૈસાની કમી નથી. વિદેશમાંથી પણ ઘણી ઓફર આવી હતી પરંતુ તેણે ક્યારેય દેશ છોડ્યો ન હતો પરંતુ પંજાબના ગામમાં આવીને પોતાનું કામ કર્યું અને પંજાબનું નામ રોશન કર્યું. બલકાર સિંહનું કહેવું છે કે પોલીસ તપાસને ક્યાંક ગુંડાઓની પરસ્પર લડાઈ તરફ વાળે છે, જે બિલકુલ ખોટું છે.

બલકાર સિંહ દ્વારા ઘણા ગાયકો પર આરોપ લગાવવામાં આવ્યો હતો
મુસેવાલના પિતા બલકાર સિંહ દ્વારા ઘણા ગાયકો પર આરોપ લગાવવામાં આવ્યો હતો કે તેમના પુત્રની હત્યા એટલા માટે કરવામાં આવી હતી કારણ કે તેણે ટૂંકા ગાળામાં ઘણી પ્રગતિ કરી હતી. તેણે વધુમાં કહ્યું કે સિદ્ધુની હત્યા માટે કેટલાક સિંગર્સ જવાબદાર છે, જેઓ ઈચ્છતા ન હતા કે સિદ્ધુ સારું ગાય. પરંતુ સિદ્ધુની હત્યા કરનારા આ ગાયકો ક્યારેય પ્રગતિ નહીં કરે. જો કે, મુસેવાલાની હત્યા બાદ પંજાબ પોલીસ સતત ગુંડાઓને ખતમ કરી રહી છે અથવા તેમની ધરપકડ કરી રહી છે. ત્યારથી, પોલીસ અને ગેંગસ્ટરો વચ્ચે એન્કાઉન્ટરના ઘણા અહેવાલો છે.

ઓગસ્ટમાં ચાર્જશીટ દાખલ કરવામાં આવી હતી
સિદ્ધુ મુસેવાલા હત્યા કેસમાં પંજાબ પોલીસે ઓગસ્ટ મહિનામાં જ માનસા કોર્ટમાં ચાર્જશીટ દાખલ કરી હતી. તે ચાર્જશીટમાં કુલ 34 લોકોના નામ હતા. જેમાં લોરેન્સ બિશ્નોઈ, જગ્ગુ ભગવાનપુરિયા સહિત લગભગ એક ડઝન શૂટરોના નામ સામેલ છે. ચાર્જશીટમાં દીપક મુંડીનું પણ નામ હતું, જેની હવે ધરપકડ કરવામાં આવી છે.

મુસેવાલાની હત્યા કેવી રીતે થઈ?
તમને જણાવી દઈએ કે આ વર્ષે 29 મેના રોજ પંજાબના માનસા જિલ્લામાં સિદ્ધુ મુસેવાલાની ગોળી મારીને હત્યા કરવામાં આવી હતી. તે સમયે મુસેવાલા 28 વર્ષના હતા. કુખ્યાત ગેંગસ્ટર લોરેન્સ બિશ્નોઈ અને ગોલ્ડી બ્રારે ગાયક પર હુમલાની જવાબદારી સ્વીકારી હતી. ઉલ્લેખનીય છે કે સિદ્ધુ મુસેવાલાની હત્યાનું પ્લાનિંગ ઘણા સમય પહેલા કરવામાં આવ્યું હતું. જે 29મી મેના રોજ કરવામાં આવ્યું હતું. દિવસના અજવાળામાં બનેલી આ ઘટનાએ સૌને ચોંકાવી દીધા હતા. સિદ્ધુ મુસેવાલાને હોસ્પિટલ લઈ જતી વખતે શ્વાસ બંધ થઈ ગયો હતો. 

હકીકતમાં મુસેવાલાની હત્યાના થોડા દિવસ પહેલા જ સરકારે ઘણા VIPની સુરક્ષા પાછી ખેંચી લીધી હતી. તેમાં સિદ્ધુ મુસેવાલાનું નામ પણ સામેલ હતું. જ્યારે પહેલા એવા ઇનપુટ્સ હતા કે મુસેવાલાના જીવનને જોખમ હોઈ શકે છે, ત્યારે સુરક્ષામાં કાપ મૂકવામાં આવ્યો હતો અને બાદમાં તેની હત્યા કરવામાં આવી હતી. હવે સિદ્ધુ મુસેવાલાનો પરિવાર તેમના પુત્ર માટે ન્યાય માટે સતત વિનંતી કરી રહ્યો છે. પરિવારે મુસેવાલાના સમર્થનમાં કેન્ડલ માર્ચ પણ કાઢી હતી. તે કેન્ડલ માર્ચમાં ઘણા લોકોએ ભાગ લીધો હતો અને આ માર્ચને જસ્ટિસ ફોર સિદ્ધુ નામ આપવામાં આવ્યું હતું.