હિટ એન્ડ રન / કુદરતે આવું કેમ ધાર્યું.! એક જ ગામના ત્રણ મિત્રો મોતનો કોળિયો બની ગયા.! પાટણમાં ડમ્પર ચાલકે બાઈકને ફંગોળ્યું

• પાટણના શિહોરી હાઇવે ઉપર હિટ એન્ડ રનની ઘટના
• ભૂતિયા વાસણા ગામ નજીક સર્જાયો અકસ્માત
• અકસ્માતમાં બાઈક સવાર ત્રણ મિત્રોના નિપજ્યા મોત

 પાટણ-શિહોરી હાઈવે પર પુર ઝડપે અને ગફલતભરી રીતે ડમ્પર હંકારી અવાર નવાર અકસ્માત સર્જાતો હોય છે. જેમાં કેટલાય નિર્દોષ લોકોએ પોતાનો જીવ ગુમાવવાનો વારો આવે છે.  ત્યારે  અજાણ્યો ડમ્પર ચાલકે બાઈક સવાર ત્રણ યુવકોને ટક્કર મારી ફરાર થઈ ગયો હતો.
ડમ્પર ચાલકે બાઈક પર જઈ રહેલ ત્રણ મિત્રોને ટક્કર મારતા મોત નિપજ્યું
સરસ્વતી તાલુકાનાં અઘાર ગામના ત્રણ મિત્રો અદુજી સોલંકી, જગતસંગ સોલંકી, અર્જુનસિંહ સોલંકીના મોત નિપજતા ગામમાં ગમગીની છવાઈ જવા પામી હતી. ત્યારે ત્રણેય મિત્રો મોડી રાત્રે પાટણથી ઘરે પરત જઈ રહ્યા હતા. તે દરમ્યાન અજાણ્યા ડમ્પર ચાલકે પુર ઝડપે અને ગફલતભરી રીતે ડમ્પર હંકારી ભુતિયાવાસણા ગામ નજીક બાઈકને પાછળથી ટક્કર મારતે ત્રણેય યુવાનો રોડ પર પટકાયા હતા. ત્યારે ત્રણમાંથી બે મિત્રોને માથાનાં ભાગે ગંભીર ઈજાઓ પહોંચતા તેઓનું ઘટના સ્થળે જ મોત નિપજ્યું હતું. ત્યારે  આ અંગેની જાણ 108 ને કરતા 108 તાત્કાલિક ઘટના સ્થળે પહોંચી ઘાયલ એક યુવકને સારવાર અર્થે હોસ્પિટલ ખસેડે તે પહેલા જ રસ્તામાં  જ તેનું મોત નિપજ્યું હતું. ત્યારે એક જ ગામનાં ત્રણ મિત્રોનાં મોત નિપજતા ગામ તેમજ મૃતકનાં પરિવારજનોમાં શોકની લાગણી છવાઈ જવા પામી હતી.

મૃતકનાં મોટા ભાઈએ અજાણ્યા ડમ્પર ચાલક સામે પોલીસ મથકે ફરિયાદ નોંધાવી
આ ઘટનાની જાણ સરસ્વતી તાલુકા પોલીસને થતા પોલીસે ઘટના સ્થળે આવી મૃતદેહોને પીએમ અર્થે મોકલવાની તજવીજ હાથ ધરી હતી. ત્યારે આ બાબતે મૃતકનાં મોટાભાઈ મહેન્દ્રસિંહ રેવાજી સોલંકીએ અજાણ્યા ડમ્પર ચાલક સામે પોલીસ મથકે ગુનો નોંધાવતા પોલીસે અકસ્માતે ગુનો નોંધી આગળની કાર્યવાહિ હાથ ધરી છે.