તમારા કામનું / તમે ખિસ્સામાં લઈને ફરો છો એ નંબર સાચવીને રાખજો નહીં તો કંગાળ થઈ જશો, જાણો કઈ રીતે?

મોટે ભાગે બેન્ક પોતાના ગ્રાહકોને મેસેજ દ્વારા માહિતી આપતી જ હોય છે કે તમારા ઓટીપી નમ્બર્સ કે એટીએમ ને લગતી કોઈ જ માહિતી બીજા સાથે કે અજાણ્યા વ્યક્તિ સાથે ભૂલેચૂકે શેર ન કરશો નહીં તો તકલીફમાં મુકાઇ શકો છો. 

એટીએમ ની આ માહિતીમાં મુખ્ય છે ત્રણ આંકડાનો CVV નંબર. આ ઉપરાંત ઓટીપી પણ રિસ્કી છે પરંતુ જો તમે મોબાઈલમાં લોક રાખ્યું હોય કે મેસેજિંગ એપમાં લોક રાખ્યું હશે તો એ કોઈપણ રેન્ડમ વ્યક્તિ જાણી નહીં શકે. જ્યારે CVV તો તમે જો કોઈક રીતે કાર્ડ ખોઈ બેસો તો એને પણ આસાનીથી મળી જાય. 

ફ્રોડના વધી રહ્યા છે કિસ્સા 
દર બીજા ત્રીજા દિવસે આપણને એટીએમના કારણે છેતરપિંડીના કિસ્સાઓ જાણવા મળે છે. તો આજે VTV તમારા માટે લાવ્યું છે એવી ઇમ્પોર્ટન્ટ માહિતી કે જે જાણ્યા બાદ તમે આવા ફ્રોડથી બચી શકશો. 

તમારા એટીએમમાં એક નંબર હોય છે જે કાર્ડની પાછળની  તરફ હોય છે. આ નંબર પણ જો તમે કોઈને આપશો તો મુશ્કેલીમાં મુકાઇ શકો છો. 

શું છે CVV કે CVV કોડ?
ક્રેડિટ કાર્ડની પાછળ જે નંબર હોય છે એ છે  CVV કોડ એટલે કે કાર્ડ ઑઁ વેરિફિકેશન વેલ્યૂ, અને  CVC એટલે કે કાર્ડ વેરિફિકેશન જે પણ એટલો જ રિસ્કી કોડ માનવામાં આવે છે. અને તે કોઇની સાથે શેર કરવાથી તમે મુશ્કેલીમાં મુકાઇ શકો છો. આ કોડ એટીએમ કાર્ડની પાછળ આવેલી એક બ્લૅક ફિલ્મ જેવી પટ્ટીમાં દેખાશે. આ ત્રણ આંકડાનો નંબર છે જે આપ્યા બાદ માત્ર તમારો ઓટીપી કોઈ રીતે જાણી શકાય તો તમારા આકાઉન્ટમાંથી તમામ રકમ ઉપડી જાય. 

CVV નંબર અગત્યનો 
સુરક્ષા માટે CVV ખૂબ જ અગત્યનો નંબર છે. તમારી નાનકડી ભૂલથી તમારું અકાઉન્ટ સાફ થઈ જય એવી પણ શક્યતા નકારી ન શકાય. આરબીઆઇના ગ્રાહકોને મળતી સલાહો મુજબ સૌથી પહેલા તો

1) ડેબિટ કાર્ડ કે ક્રેડિટ કાર્ડ મળતા જ સૌથી પહેલા તમે પોતાનો CVV નંબર યાદ રાખી લો. 
2) ત્યાર બાદ આ નંબર હટાવી દેવો હિતાવહ છે. જેનાથી તમારી સાથે ફ્રોડ થવાની સંભાવના ઓછી થાય છે. 
3) ઓનલાઈન ટ્રાન્સેકશન માટે ત્રણ આંકડાનો CVV નંબર મુખ્ય છે માટે કદી કોઇની પણ સાથે આ નંબર શેર ન કરો 

CVV એ એક નંબર છે જે ડિજિટલ ટ્રાન્ઝેક્શન સમયે ચકાસણી કરે છે કે કાર્ડધારક આ ચુકવણી માટે જવાબદાર છે. તેનો ઉપયોગ ઓનલાઈન ટ્રાન્ઝેક્શન દરમિયાન થઈ શકે છે અને પેમેન્ટ કન્ફર્મ થઈ શકે છે. ઓટીપી એક સિક્યોરીટી લેયર છે જે પેમેન્ટ ને સુરક્ષિત રાખે છે. દરેક સંસ્થા પોતાના ગ્રાહકોને સીવીવી નંબર આપે છે. 

કયા કેસમાં રિસ્ક વધી જાય છે?

1) કોઈ વખત જો તમારો ફોન ખોવાઈ જાય અથવા

2) તમારા ફોનને કોઈએ હેક કરી લીધો હોય તો તમારા ફોનનો સ્ક્રીન બીજે ક્યાંક ખોલી શકાય તો તમારો ઓટીપી જાણવો કોઈ માટે અઘરું નથી રહેતું. 

3) અન્ય કિસ્સાઓમાં નજીક રહેલા માણસને કોઈ રીતે તમારો ઓટીપી જોવા મળી જય અથવા તો કોઈને તમે બે મિનિટ માટે ફોન કરવા માટે ફોન આપો છો તો પણ તમારી સાથે આ પ્રકારનો ફ્રોડ થવાની સંભાવના ખૂબ વધી જાય છે. 

રેલ ટિકિટ દરમિયાન અને Paytm સહિત તમામ એપ પર પણ તમે તમારી ડિટેલ્સ ભરો છો. જો કોઈ તમને CVV કોડ ન આપો તો એ પેમેન્ટ અધૂરું રહી જાયા છે માટે આ કોડ વિના કોઈપણ રીતે ટ્રાન્સેક્ષન શક્ય નથી.