બ્રિટનમાં કોરોના વાયરસનો નવો સ્ટ્રેન (Coronavirus New Strain) જોવા મળ્યો છે. હવે દુનિયામાં એકવાર ફરીથી હાહાકાર મચ્યો છે. અનેક દેશોએ બ્રિટન અને યૂરોપથી આવનારી ફ્લાઈટસ બંધ કરી છે. તેનું કારણ કોરોના વાયરસનો નવો સ્ટ્રેન પહેલાં કરતાં પણ વધારે ખતરનાક હોવાથી તેનાથી નાગરિકોને બચાવવાનો છે. ભારતે પણ યૂકેથી આવનારી ફ્લાઈટ્સને એલર્ટ રૂપે 31 ડિસેમ્બર સુધી બંધ કરી છે.
બ્રિટનમાં કોરોનાનો નવો સ્ટ્રેન
ટ્વીટર પર ટ્રેન્ડ થયું કોવિ-20
નવો સ્ટ્રેન વધુ ખતરનાક
સોશિયલ મીડિયામાં મીમ્સ વાયરલ
થઈ રહી છે કોવિડ -20 ની ચર્ચા
બ્રિટનમાં કોરોનાનો નવો વાયરસ સ્ટ્રેન મળ્યા બાદ સોમવારે ટ્વિટર પર કોવિડ-20 ટ્રેન્ડમાં આવ્યું. આજથી લગભગ 1 વર્ષ પહેલાં 2019માં કોરોના વાયરસનો પહેલો કેસ આવ્યો હતો અને પછી તેણે આખી દુનિયાને ઝપેટમાં લીધી. હવે 2020માં કોરોનાનો નવો સ્ટ્રેન આવ્યો છે. કહેવાય છે કે કોવિડ-19ની તુલનામાં કોવિડ-20 વધારે સંક્રામક છે.તેની પર અત્યારસુધીમાં 68 હજારથી વધારે ટ્વિટ આવી ચૂક્યા છે અને મીમ્સ પણ વાયરલ થઈ રહ્યા છે.
શેર થઈ રહ્યા છે મીમ્સ
કોઈ પણ ખાસ ટોપિક પર સોશ્યલ મીડિયા પર મીમ્સ વાયરલ થઈ જાય છે. તો પછી કોવિડ -20ને લઈને લોકો પાછળ કેમ રહે.કોવિડ -20ની શરૂઆત થતાં જ ટ્વિટર પર તેનાથી સંકળાયેલા ખાસ મીમ્સ જોવા મળ્યા. તેનાથી લોકો હસી મજાક કરી રહ્યા છે તો કેટલાક લોકો સતર્કતા રાખવા પણ કહી રહ્યા છે.
મહારાષ્ટ્રમાં શરૂ થયો નાઈટ કર્ફ્યૂ
મહારાષ્ટ્ર સરકારે રાજ્ય મ્યુનિસિપલ કોર્પોરેશન વિસ્તારમાં 22 ડિસેમ્બરથી 5 જાન્યુઆરી સુધી રાતના 11થી સવારના 6 સુધી નાઈટ ફર્ફ્યૂ મૂક્યો છે. કોરોનાના નવા સ્ટ્રેનને ધ્યાનમાં રાખીને આદેશ છે કે યૂકેથી મંગળવાર રાત સુધી આવનારાનો એરપોર્ટ પર જ કોરોના ટેસ્ટ થશે. આ સાથે નવા વાયરસના કારણે કેનેડા. તુર્કી, બેલ્જિયમ, ઈટલી અને ઈઝરાયલે પણ યુકેથી આવનારી ફ્લાઈટ્સ પર રોક લગાવી છે. યૂરોપથી જે લોકો મહારાષ્ટ્ર આવી રહ્યા છે તેઓએ 14 દિવસના ઈસ્ટિટ્યૂશનલ ક્વોરન્ટાઈનમાં રહેવું પડશે.
વૈજ્ઞાનિકો કહી રહ્યા છે આ વાત
કોરોના વાયરસનો નવો સ્ટ્રેન આવતાં જ વૈજ્ઞાનિકોએ તેને VUI-202012/01 નામ આપ્યું છે. બ્રિટિશ પ્રધાનમંત્રી બોરિસ જોનસને આશંકા રાખી છે તે વાયરસ સ્ટ્રેન કોરોનાથી વધારે સંક્રામક છે. જો કે હજુ સુધી તેના નવા સીક્વેંસિંગની જાણકારી મળી નથી. એક્સપર્ટ્સના આધારે કોઈ પણ વાયરસમાં સતત મ્યૂટેશન થતું હોય છે. વધારે વેરિએંટ પોતે જ મ્યૂટેટ થયા બાદ મરી જાય છે પણ કોરોના વાયરસ મ્યૂટેટ થયા પહેલાં અનેક ગણો મજબૂત અને ખતરનાક થઈને સામે આવ્યો છે.