નવદંપત્તિ વિવાહમાં હાથોમાં હાથ લઈને હસ્ત મેળાપ વખતે સાત જન્મો સુધી સાથ નિભાવવાનું એકબીજાને વચન આપે છે. લગ્નજીવનની શરૂઆતમાં હનીમૂન કપલ વચ્ચે બોન્ડીંગનું એક મહત્વનું માધ્યમ છે.
હનીમૂન ઉપર કેવું સ્થળ કરશો પસંદ
જો જો હનીમૂનમાં શોપીંગ જ સમય ન ખાઈ જાય
મન મૂકીને કરો મસ્તી
કેમ જરૂરી છે હનીમૂન
હનીમૂન પર જવું ખુબ જરૂરી છે. કારણ કે, લગ્ન પહેલા મહિનાઓથી વર અને વધૂ બંને લગ્નની ખરીદીથી લઈને તૈયારીઓમાં એટલા ઓતપ્રોત થઈ ગયા હોય છે કે તેમને તેમના થાકનું ભાન જ રહેતુ નથી. આવા સમયે લગ્ન પછી તુરંત હનીમૂન તમને રીલેક્સ થવામાં અને એકબીજાથી નજીક લઈ જવામાં મદદરૂપ થશે.
હનીમૂન ઉપર કેવું સ્થળ કરશો પસંદ
હનીમૂન માટે એવું સ્થળ પસંદ કરો જ્યાં તમે એકાંત માણી શકો પણ હા કંઈ હા ના થાય તો પરિવારનો પણ સંપર્ક સાધી શકો તેવી જગ્યા પસંદ કરો. વળી એવું પણ ધ્યાન રાખો કે તમારા હનીમૂનના પ્લાનીંગમાં ફરવાના સ્થળ કરતા રિલેક્સ કરી શકાય અને એકબીજાને માણવા મળે તેનું ધ્યાન રાખો.
જો જો હનીમૂનમાં શોપીંગ જ સમય ન ખાઈ જાય
હનીમૂનમાં શોપીંગ ટાળો. બને એટલો સમય એક બીજાના મીઠા સાનિધ્યને માણો. ઘણા લોકો પહેલેથી જ શોપિંગ લીસ્ટ તૈયાર કરી દે છે પણ ઘણીવાર શું થશે કે, તમારી ખરીદી કરવાની તલપ તમને તમારા માણીગરનો સાથ નહી માણવા દે.
મન મૂકીને કરો મસ્તી
હનીમૂનમાં તમારી ઉમંર અને સમયને ભૂલીને નાના ભૂલકાની જેમ તમારા જીવનસાથી સાથે મનમૂકીને મસ્તી કરો. એક બીજાની વચ્ચેના દૈહિક જ નહી પણ મનના દરેક પળ પણ ખુલી જાય તેવી કોશિશ કરો.
આવતી વખતે તમારા માટે સ્પેશ્યલ હનીમૂન સ્થળ લઈને આવીશુ...