Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

ચૂંટણી પરિણામ / લોકસભા ચૂંટણીમાં કારમી હાર બાદ પણ આ બેઠક જીતવા પર ખુશ છે કોંગ્રેસ?

લોકસભા ચૂંટણીમાં કારમી હાર બાદ પણ આ બેઠક જીતવા પર ખુશ છે કોંગ્રેસ?

લોકસભા ચૂંટણી 2019માં કોંગ્રેસ સારુ પ્રદર્શન ન કરી શકી. 543 સીટોમાંથી કોંગ્રેસ માત્ર 52 સીટ જીતી શકી. જ્યારે ભાજપને પ્રચંડ જીત મળતા 303 સીટો પર કબજો જમાવ્યો. છતા ખરાબ રીતે હારવા છતા છત્તીશગઢ કોંગ્રેસ નક્સલ પ્રભાવિત બસ્તર સીટ જીતવાને કારણે ઘણી ખુશ અને સંતુષ્ટ છે.

કોંગ્રેસ અનુસૂચિત જનજાતિઓ માટે આરક્ષિત આ સીટ પર પહેલી વાર સંસદીય ચૂંટણી જીતી છે. આ સીટથી કોંગ્રેસ ઉમેદવાર દીપક બૈજે બીજેપીના બૈદુરામ કશ્યપને 38982 વોટોના અંતરથી હરાવ્યા છે. લોકસભા ચૂંટણીથી પહેલા કોંગ્રેસને આશા હતી કે તે વિધાનસભા ચૂંટણીમાં પ્રદર્શન રિપીટ કરશે. અને 11 સંસદીય સીટોમાંથી મોટાભાગની તેના હિસ્સામાં આવશે. ગત વિધાનસભા ચૂંટણીમાં કોંગ્રેસે 15 વર્ષના ભાજપ શાસનથી મુક્ત કરી પ્રદેશમાં સરકાર બનાવી હતી. 

જોકે, આશાથી વિપરીત રાજ્યની 11 સંસદીય સીટોમાંથી કોંગ્રેસના હિસ્સામાં માત્ર બે સીટ કોરબા અને બસ્તર આવી. જ્યારે 9 સીટ ભાજપના હિસ્સામાં આવી. લોકસભા ચૂંટણીની વાત કરીએ તો ગત ચાર ચૂંટણીમાં આ કોંગ્રેસનું સર્વશ્રેષ્ઠ પ્રદર્શન છે. આ પહેલા ત્રણ સંસદીય ચૂંટણીમાં કોંગ્રેસના ખાતામાં માત્ર એક સીટ આવી હતી. 

રાજ્યના કોંગ્રેસના પ્રવક્તા, શૈલેષ નિતિન ત્રિવેદીએ કહ્યું, ''અમે આદિવાસી ઉમેદવારો માટે સુરક્ષિત બસ્તર અને કાંકેર સીટો પર સારું પ્રદર્શન કર્યું. એ વાત અલગ છે કે અમે માત્ર બસ્તર સીટ જીતી શક્યા, અને માત્ર 6917 વોટોના અંતરથી કાંકેર સીટ હારી ગયા. ઉલ્લેખનીય છે કે, મોદી લહેરમાં પણ કોંગ્રેસે છત્તીસગઢની સીટોની સંખ્યા વધારીને બે કરી લીધી છે.'' એમણે કહ્યું કે, ''એ મહત્વપૂર્ણ છે કે પાર્ટીએ નવેમ્બર 2000માં છત્તીસ ગઢમાં પાર્ટી ગઠન બાદ પહેલીવાર સુરક્ષિત લોકસભા સીટ જીતી છે. ''

rahul gandhi National News chhattisgarh Bastar congress Lok Sabha Election 2019

જોવા જેવું વધુ જુઓ

બ્રેકિંગ ન્યૂઝ