SSR case / રિયા ચક્રવર્તીની ધરપકડ કેમ નથી થઇ રહી, CBI આ વસ્તુઓમાં અટવાઇ

• રિયા ચક્રવર્તીની ધરપકડ કેમ નથી થઇ
• સુશાંતના પરિવાર અને ફેન્સની માગ
• CBI અને NCB વચ્ચે ફસાયો કેસ

સુશાંતના ફેન્સ અને પરિવારની માગ

સુશાંતના મોત બાદથી ફેન્સ અને પરિવાર CBI તપાસની માગ કરી રહ્યા હતા અને 2 મહિનાના અંતે તપાસ સોંપવામાં આવી, ત્યારે તેના ફેન્સ અને પરિવાર ઇચ્છી રહ્યા છે કે રિયા ચક્રવર્તીની જલ્દીથી જલ્દી ધરપકડ થાય. 26 કલાકની પૂછપરછ બાદ પણ તેની ધરપકડ શા માટે નથી કરવામાં આવી તે એક પ્રશ્ન છે. 

CBI ઇચ્છે છે કે તપાસ ઢીલી ન પડે

રિયા વિરુદ્ધ CBI પાસે કોઇ પુરાવા નથી આવ્યા, સુશાંતની આત્મહત્યા કે હત્યા આ પ્રશ્નનો જવાબ હજૂ મળ્યો નથી પરંતુ CBI દરેક એન્ગલથી તપાસ કરી રહી છે. કેકે સિંઘની ફરિયાદમાં સુશાંતને આત્મહત્યા માટે ઉકસાવવાનો આરોપ છે. 

અત્યાર સુધીની તપાસમાં કેટલાક લોકો સાથે પૂછપરછ કરવામાં આવી છે. સિદ્દાર્થ પિઠાણીથી લઇને કેશવ, નીરજ અને ઘરના નોકર સુધી દરેક લોકોની પૂછપરછ કરવામાં આવી છે. દરેક લોકો અલગ અલગ નિવેદન આપી રહ્યા છે. 

કોણ સાચુ બોલી રહ્યું છે અને કોણ જુઠ્ઠુ તેને લઇને CBI કોઇ નિર્ણય નથી લઇ શકી. આવી પરિસ્થિતિમાં પૉલિગ્રાફ ટેસ્ટ કરવામાં આવે છે.જો  રિયા વિશે કોઇ ખુલાસા નહી થાય તો પોલિગ્રાફ ટેસ્ટ કરવામાં આવશે. 

રિયાની ધરપકડ માટે સીબીઆઇ પાસે સુશાંતની ઓટોપ્સી, વિસરા અને ફોરેન્સિક તપાસના રિપોર્ટ છે. સુશાંતના ઘરે ફરી ક્રાઇમ સીન રિક્રીએટ થશે પરંતુ જો રિયા વિરુદ્ધ કોઇ પણ પુરાવા મળ્યા તો તેની તાત્કાલિક ધોરણે ધરપકડ થશે. 

સ્યુસાઇડ અને હોમીસાઇડના કેસમાં સીબીઆઇનો ટ્રેક રેકોર્ડ પણ એક મોટુ કારણ છે. ભાગ્યે જ કોઇ કેસમાં મુખ્ય આરોપીને કોર્ટમાં દોષી સાબિત કરવામાં આવ્યો છે. સીબીઆઇના હાથે રિયાના ફોન રેકોર્ડ, બેન્ક સ્ટેટમેન્ટ અન બીજા અન્ય કાગળો છે. તેમાંથી કંઇ પણ એવુ નથી કે રિયાને જેલના સળિયા પાછળ ધકેલી શકે પરંતુ ડ્રગ ચૅટ રિયા માટે ફાંસીનો ફંદો સાબિત થઇ શકે છે. 

ગુરુવારે NCBની એક ટીમ મુંબઇ પહોંચી અને શુક્રવારે રિયાને પહેલી વાર પૂછપરછ માટે બોલાવી લીધી હતી. જો NCB કોઇ પુરાવા સાથે આવે અને રિયાની ધરપકડ કરે તો CBIની તપાસમાં મુશ્કેલી પડત, જેથી CBIએ રિયાને પહેલા જ બોલાવી લીધી અને પૂછપરછ કરી લીધી.