રાજકોટના આજી ડેમ-2માં ઉપરવાસના વરસાદના કારણે પાણીની આવક.ગમે ત્યારે ખોલી શકાય છે દરવાજા
આજી ડેમ -2 ભરાતાં રાજકોટ રાજી
નીચાણવાળા વિસ્તારોને કર્યા એલર્ટ
ભારે વરસાદની આગાહીના પગલે એલર્ટ
સૌરાષ્ટ્ર પંથકમાં વરસી રહેલા વરસાદ અને હવામાન વિભાગની ભારે વરસાદની આગાહીના પગલે રાજકોટનું વહીવટીતંત્ર એલર્ટ થઇ ગયું છે.આજી- 2 ડેમ 90 ટકા ભરાઈ ગયો હોઈ,રાજકોટ રાજી રાજી છે.પરંતુ અહીના નીચાણવાળા વિસ્તારોને સાવચેત કરી દેવામાં આવ્યા છે.
ગમે ત્યારે ખોલાઈ શકે છે દરવાજા
રાજકોટના ઉપરવાસમાં ભારે વરસાદ છે અને હવમાન વિભાગે આગામી દિવસોમાં સૌરાષ્ટ્ર અને દક્ષિણ ગુજરાત વિસ્તારમાં ભારે વરસાદની આગાહી કરી છે.આજી ડેમ-2 માં આવતા નીચાણવાળા વિસ્તાર અડબાલકા,બાધી,દહિસરડા ડુંગરકા ગઢડા સહિતના વિસ્તારોને સાવચેત કરી દેવામાં આવ્યા છે. ડેમના દરવાજા ગમે ત્યારે ખોલવામાં આવે તેવી શક્યતાના પગલે આ સાવચેતી આપવામાં આવી છે.ઉપરવાસમાં ભારે વરસાદના કારણે પાણીની આવક પણ વધી છે.
હરખની ઉઠી હેલી
હજુ સપ્તાહ પૂર્વે તો પાણીની ખેંચ વર્તાય તેવી સ્થિતિ હતી ત્યારે નર્મદામાંથી પાણી આપવા સુધીની વાત કરવામાં આવી હતી.પરંતુ શ્રાવણના અંતિમ સપ્તાહમાં સ્થિતિ બદલાઈ જવા પામી છે. આજી-2 છલ છલોછલ થવાના આરે છે.ત્યારે રાજ્કોટ વાસીઓના અંતરમાં હરખની હેલી ઉઠી છે.