વડોદરાના મકરપુરામાં નજીવી બાબતે બે પરીવાર વચ્ચે મારામારી થઈ હતી. આ મારામારીનો વીડિયો સોશિયલ મીડિયામાં વાયુવેગે વાયરલ થયો હતો. ઉલ્લેખનીય છે કે, આ ઘટનાએ મોટુ સ્વરૂપ ધારણ કરી લીધુ હતુ અને હુમલાની ફરીયાદ નોંધાવી હતી.
વડોદરાના મકરપુરા વિસ્તારમાં હુમલાની ફરીયાદ
પાડોશીએ બંધક બનાવી માર્યો માર
ઠપકો આપવા મામલે મારવામાં આવ્યો માર
વડોદરાના મકરપુરા વિસ્તારમાં બે પરીવાર વચ્ચે નજીવી બાબતે માથાકુટ થઈ હતી. જેમાં દારૂની કોથળી અહીં કેમ નાખો છો ? યુવકે કહેતા આખો પરીવારે તેના પર હુમલો કરી દિધો હતો. એટલુ જ નહીં યુવકને બંધક બનાવી લાકડા અને લાફાવાળી કરી હતી.
શુ છે સમગ્ર મામલો ?
સમગ્ર ઘટનાની વાત કરીએ તો, વડોદરાના વિજયવાડી વિસ્તારમાં રહેતા રિક્ષાચાલક હસમુખભાઇ સોલંકી ગઇકાલે સવારે ઘરે હાજર હતા. આ દરમિયાન હસમુખ સોલંકી અને તેમના પત્ની ઉર્મિલાબેને પડોશમાં રહેતા લતાબેન દિપકભાઇ પરમારને દારૂની ખાલી થેલીઓ અને કચરો અમારા તરફ કેમ નાખો છો, તેમ જણાવ્યું હતું. જેથી લતાબેન ઉશ્કેરાઈ ગયા અપશબ્દો બોલવા લાગ્યા હતા. તેમજ લતાબેનના પતિ દિપકભાઈ પોતાના ઘરમાંથી લાકડી લઈને આવ્યા હતા અને હસમુખભાઈને લાકડીના ફટકા માર્યા હતા. તેમજ લતાબેનના પરિવાજન રમીલાબેન અને મનિષ પણ દોડી આવ્યા હતા. તેમણે પણ ગડદા પાટુનો માર માર્યો હતો. સાથે ફરી અમારુ નામ લીધો તો તને જીવતો નહીં છોડું તેવી ધમકી આપી હતી.
હસમુખ સોલંકી પર હુમલો
સમગ્ર મામલે લતાબેન દિપકભાઇ પરમાર, દિપકભાઇ ગોપાલભાઇ પરમાર, રમીલાબેન જયંતીભાઇ પરમાર અને મનિષભાઇ જયંતિભાઇ પરમાર (તમામ રહે. રામાપીરના મંદિર પાસે, વિજયવાડી, દંતેશ્વર, વડોદરા) સામે હસમુખ સોલંકી પર હુમલો કર્યાની મકરપુરા પોલીસ સ્ટેશનમાં ફરિયાદ નોંધાઈ છે.
મકરપુરા પોલીસ સ્ટેશનમાં મારમારી અને ધમકી આપ્યાની નોંધાવી ફરિયાદ
બીજી તરફ લતાબેન પરમારે પોલીસ ફરિયાદમાં આક્ષેપ કર્યો છે કે, પડોશમાં રહેતા હસમુખ સોલંકી અને તેમના પત્ની ઉર્મિલાબેન દારૂની કોથળીઓ અને કચરા નાખવા અંગે કહેવા આવ્યા હતા અને અપશબ્દો બોલી રહ્યા હતા. ઉર્મિલાબેને અપશબ્દો ન બોલવા કહેતા તેમણે લતાબેનને વાળ પકડી જમીન પર પછાડી દીધા હતા. જેથી લતાબેનની દીકરી ઉર્વશી તેમને બચાવવા વચ્ચે પડી તો હસમુખભાઇએ ઉર્વશીને લાકડીથી ફટકારી હતી. તેમજ જો બીજીવાર માથાકૂટ કરી તો જીવતી નહીં છોડું તેવી ધમકી આપી હતી. આ મામલે લતાબેને પડોશી હસમુખ સોલંકી અને તેમની પત્ની ઉર્મિલાબેન સોલંકી સામે મકરપુરા પોલીસ સ્ટેશનમાં મારમારી અને ધમકી આપ્યાની ફરિયાદ નોંધાવી.