દર્દનાક / બાળકીની પીઠ પર યુક્રેની માતાએ જે લખ્યું તે જોઈને દરેકનું દીલ પીગળી ગયું,તસવીર વાયરલ

• યુક્રેનમાંથી આવી દર્દનાક તસવીર
• યુક્રેનના એક પરિવારને લાગ્યો મરી જવાનો ડર 
• માતાએ બાળકીની પીઠ પર લખી પરિવારની જાણકારી

રશિયન આર્મીની વધતી આક્રમકતા વચ્ચે યુક્રેનના ઘણા પરિવારોને માર્યા જવાનો ડર લાગી રહ્યો છે. એક પરિવારે તો બાળકીની પીઠ પર પરિવારની જાણકારી લખી છે. આ ચોંકાવનારી ઘટનાની તસવીરો હવે સોશિયલ મીડિયા પર વાયરલ થઇ રહી છે. આ બાળકોની તસવીરો અનેક પત્રકારોએ ટ્વીટ કરીને યુદ્ધની દુર્ઘટનાને ઉજાગર કરી છે. યુક્રેનિયન માતાઓ તેમના બાળકોના શરીર પર તેમના પરિવારના સંપર્કો લખી રહી છે, જેથી જો તેમની હત્યા કરવામાં આવે અને તેમના બાળકોને બચાવવામાં આવે, તો તે સંપર્કો તેમના કામમાં આવી શકે.

Ukrainian mothers are writing their family contacts on the bodies of their children in case they get killed and the child survives. And Europe is still discussing gas. pic.twitter.com/sK26wnBOWj

— Anastasiia Lapatina (@lapatina_) April 4, 2022

પરિવારોને લાગી રહ્યો છે બાળકોના માર્યા જવાનો ડર

યુ્ક્રેનમાં પરિવારોને બાળકોના માર્યા જવાનો ડર લાગી રહ્યો છે તેથી તેઓ બાળકોના શરીર પર ફોન નંબર અને સરનામું લખી રહ્યાં છે જેથી કરીને કોઈ અપ્રિય ઘટનાના કિસ્સામાં તેમની ઓળખ થઈ શકે. 

યુક્રેનમાં નાની બાળકીની પીઠ પર લખેલા દેખાયા સંપર્ક નંબરો 
ટ્વિટર પર ફ્રીલાન્સ પત્રકાર, એનેસ્તાસિયા લપતિનાએ આવા જ એક ફોટો સાથે લખ્યું છે. જેમાં યુક્રેનની એક નાની બાળકીની પીઠ પર લખેલું નામ અને ટેલિફોન નંબર દેખાય છે, જે તેની માતાએ લખ્યો છે.

બાળકીનો ફોટો માતાએ શેર કર્યો 

યુવતીનો આ ફોટો ત્રણ દિવસ પહેલા તેની માતા સાશા માકોવીયે ઇન્સ્ટાગ્રામ પર પોસ્ટ કર્યો હતો. આ પોસ્ટ સ્થાનિક ભાષામાં છે, પરંતુ ગૂગલ ટ્રાન્સલેશન પરથી જાણવા મળે છે કે મહિલાએ પોતાની દીકરી વેરાનું નામ લખવાનું નક્કી કર્યું છે, જેથી જો તેને કંઈ થાય તો કોઈ તેનો જીવ બચાવી શકે.અન્ય એક ફોટોમાં માકોવિયેએ જણાવ્યું હતું કે, પરિવાર સુરક્ષિત છે પરંતુ હજુ સુધી એક કાગળ ફેંકી શક્યો નથી જેના પર કેટલીક માહિતી લખવામાં આવી છે.