બોલિવૂડ / અમેરિકામાં કેમ ઉજવવામાં આવે છે 'અનુપમ ખેર ડે' ?

• 10 સપ્ટેમ્બર અનુપમ ખેર ડે
• અનુપમે પૂર્ણ કર્યા એક્ટિંગક્ષેત્રએ 36 વર્ષ

અનુપમ ખેરે એક્ટિંગની દુનિયામાં 36 વર્ષ પૂર્ણ કર્યા છે. તેમણે બોલિવૂડ અને હોલિવૂડની ફિલ્મોમાં અભિનયના ઓજસ પાથર્યા છે. તેમણે અત્યાર સુધી નેગેટિવ, ગ્રે શેડ, કોમિક અને કેટલાય પ્રકારના રોલને ન્યાય આપ્યો છે. અનુપમ ખેરની પહેલી ફિલ્મ સારાંશ હતી. જે 25 મે 1984ના રોજ રિલીઝ થઇ હતી. 

• કેમ ઉજવવામાં આવે છે અનુપમ ખેર ડે ? 

અનુપમ ખેરને 10 સપ્ટેમ્બર 2015ના રોજ લાસ વેગાસમાં નેવાદાના સેનેટર રૂબેન કિહ્યુએને સર્ટિફિકેટ ઓફ એક્સલન્સ એૅવોર્ડથી સન્માનિત કરવામાં આવ્યા હતા. તેમણે જ 10 સપ્ટેમ્બરના દિવસને અનુપમ ખેર દિવસ તરીકે ઉજવવાની ઘોષણા કરી હતી. રુબેને કહ્યું હતું કે વેગાસ સુધી શ્રેષ્ઠ અભિનય પહોંચાડવા માટે આભાર. આ અમારા દરેક માટે ગર્વની વાત છે કે તમને લાઇવ સ્ટેજ પર એક્ટિંગ કરતા જોવાની તક મળી છે. 

અનુપમ ખેરનું નાટક મેરા વો મતલબ નહી થા ને કેનેડા તેમજ અમેરિકામાં ખૂબ લોકપ્રિયતા સાંપડી છે. અનુપમ હાલમાં જ એક અંગ્રેજી વેબ સિરીઝનું શટિંગ પતાવીને ઘરે પરત પર્યા છે. કોરોના મહામારીને કારણે તે હાલ પોતના ઘરમાં જ આઇસોલેશનમાં છે. તે સોશિયલ મિડીયા થકી પોતાના ફેન્સ સાથે જોડાયેલા છે.