લોકસભામાં સાંસદોની હાજરીમાં રીંગણાને બટકા ભરતા જોવા મળ્યું
લોકસભા સાંસદો ક્યારેક મજાક મસ્તીમાં મોટો મેસેજ આપી દેતા હોય છે જોકે શરુઆતમાં તો કોઈને ખબર પડતી નથી કે આવું કેમ થયું. સોમવારે લોકસભામાં પણ આવો જ એક ઘાટ થયો. હકીકતમાં લોકસભામાં મોંઘવારી પર ચર્ચા શરુ થઈ હતી અને ટીએમસી સાંસદ કાકોલી ઘોષ દસ્તીદાર રાંધણ ગેસના ભાવવધારો કરવા માગતા હતા. આ માટે તેમને લોકસભામાં કાળું રીંગણ લઈને આવવાનું જરુરી લાગ્યું. જ્યારે બોલવાનો વારો આવ્યો ત્યારે સૌથી પહેલા તો કાકોલી ઘોષે ગજવામાંથી મોટું કાળું રીંગણ બહાર કાઢ્યું હતું અને પછી તેને દાંત વડે બટકા ભરવા લાગ્યા હતા. શરુઆતમાં તો કોઈ સાંસદને ખબર ન પડી કે તેઓ શું કહેવા માગે છે. સાંસદો પણ અવાક બનીને તેમની તરફ જોઈ રહ્યાં હતા તો કેટલાક સાંસદો મૂછમાં હસી રહ્યાં હતા. અંતે બધાને ખબર પડી કે તેઓ રાંધણ ગેસના ભાવનો વિરોધ કરી રહ્યાં હતા કે આટલા બધા ભાવમાં કોને રાંધણગેસ પરવડી શકે એટલે લોકોને હવે કાચું ખાવાનો વારો આવ્યો છે.
રાંધણગેસના આકરા ભાવવધારામાં રાંધવું કોને પરવડી શકે
ટીએમસી સાંસદ કાકોલી ઘોષ દસ્તીદારે ચર્ચા દરમિયાન એલપીજી સિલિન્ડરના ભાવમાં ઘટાડો કરવાની માંગ કરી છે. તેમણે કહ્યું કે છેલ્લા કેટલાક મહિનાઓમાં એલપીજી સિલિન્ડરની કિંમતોમાં ચાર ગણો વધારો કરવામાં આવ્યો છે. પહેલા રાંધણ ગેસ 600 રૂપિયા હતો, જે હવે 1100 રૂપિયા થઈ ગયો છે. "શું સરકાર એવું ઇચ્છે છે કે આપણે કાચા શાકભાજી ખાઈએ? કાકોલીએ કહ્યું કે સિલિન્ડરના દર ઘટાડવા જોઈએ.