બ્રિટનમાં કોરોનાના નવા ડેલ્ટાક્રોન વેરિયન્ટની એન્ટ્રી થતા દુનિયામાં નવી ચિંતા પેદા થઈ છે.
બ્રિટનમાં કોરોનાના નવા ડેલ્ટાક્રોન વેરિયન્ટની એન્ટ્રી
ઘણા કેસ નોંધાયા
WHOની ભવિષ્યવાણી સાચી ઠરી
ઓમિક્રોન અને ડેલ્ટામાંથી બન્યો ડેલ્ટાક્રોન
દુનિયામાં કોરોનાના નવા વેરિયન્ટને લઈને વિશ્વ આરોગ્ય સંગઠનની ભવિષ્યવાણી સાચી પડી છે. કોરોના મહામારીમાંથી છૂટવા માગતી દુનિયાને વધુ એક ઝટકો લાગ્યો છે. વિશ્વમાં ઓમિક્રોન કોરોનાનો છેલ્લો વેરિયન્ટ નથી તેવી વિશ્વ આરોગ્ય સંગઠન અને નિષ્ણાંતોની આગાહી સાચી પડી છે. બ્રિટનમાં બે વેરિયન્ટથી તૈયાર થયેલા કોરોનાના નવા ડેલ્ટાક્રોન વેરિયન્ટની એન્ટ્રી થઈ છે અને કેટલાક સેમ્પલોમાં ડેલ્ટાક્રોન મળી આવ્યો છે.
દેશમાં ડેલ્ટાક્રોન વેરિયન્ટના કેસ મળ્યાં
બ્રિટનની હેલ્થ એજન્સીએ આપેલી માહિતી અનુસાર દેશમાં ડેલ્ટાક્રોન વેરિયન્ટના કેસ મળ્યાં છે. અધિકારીઓએ કહ્યું કે હાલમાં હાઈબ્રીડ વેરિયન્ટ પર બાજ નજર રાખવામાં આવી રહી છે. તેના લક્ષણો પણ ડેલ્ટા જેવા જ છે. જોકે આ વેરિયન્ટની સૌથી મહત્વની વાત એ છે કે તે ઓમિક્રોન અને ડેલ્ટા વેરિયન્ટમાંથી બન્યો છે. બ્રિટનમાં આગામી સમયમાં આ વેરિયન્ટ કેર મચાવી શકે છે.
શું છે ડેલ્ટાક્રેન
ડેલ્ટાક્રેનને ઓમિક્રોન અને ડેલ્ટાના હાઇબ્રિડ વેરિઅન્ટ તરીકે ગણવામાં આવી રહ્યો છે. કોરોના સંક્રમિત દર્દી જ્યારે ડેલ્ટા અને ઓમિક્રોન બંને વેરિએન્ટ પ્રભાવિત થાય છે, ત્યારે તેને ડેલ્ટાક્રોન વેરિઅન્ટથી સંક્રમિત ગણી શકાય છે. આ વેરિએન્ટ પર યુકે હેલ્થ સિક્યોરિટી એજન્સીના સાપ્તાહિક વેરિએન્ટ સર્વેલન્સ રિપોર્ટમાં જણાવવામાં આવ્યું છે કે નવા વેરિએન્ટ સાથે જોડાયેલા રોગોની ગંભીરતા અને વેક્સીનની અસરની જાણકારી મળી શકી નથી.
ડેલ્ટાક્રેનને ચિંતાજનક વેરિયન્ટની કેટેગરીમાં મૂકાયો
ડેલ્ટાક્રેનને ચિંતાજનક વેરિયન્ટની કેટેગરીમાં મૂકાયો છે. યુનિવર્સિટી ઓફ ઇસ્ટ એંગ્લિઆના ચેપી રોગના નિષ્ણાત પ્રોફેસર પોલ હન્ટરે દલીલ કરી હતી કે યુકેમાં ડેલ્ટા અને ઓમિક્રોન બંને વેરિઅન્ટ સામે રોગપ્રતિકારક શક્તિનું સ્તર વધુ મજબૂત અને વધુ સારું બન્યું છે. બંને વેરિએન્ટના કેસ પણ ઘટી રહ્યા છે. આવી સ્થિતિમાં, સૈદ્ધાંતિક રીતે, નવા વેરિએન્ટનું ટ્રાન્સમિશન સરળ નહીં હોય.