ચીન / કોરોનાની શરૂઆત ક્યાંથી થઇ તે જાણવા WHOનો અંતિમ પ્રયાસ!, કરશે આ કામ

• WHO ની એક ટીમ ફરી એક વખત વુહાન જશે 
• કોરોના વાયરસના મૂળ વિશે જાણવાનો આ છેલ્લો પ્રયાસ હોઈ શકે છે.
• પહેલો કેસ ડિસેમ્બર 2019 માં આવ્યો હતો

WHO ની એક ટીમ ફરી એક વખત વુહાન જશે 

બે વર્ષ પૂરા વિશ્વમાં તબાહી મચાવીને કોરોના રોગચાળાની ઉત્પત્તિને લઈને આજે પણ રહસ્ય યથાવત રહેવા પામ્યું છે. જોકે, વિશ્વના અગ્રણી નિષ્ણાતોએ આ માટે ચીનને જવાબદાર ઠેરવ્યું છે. પરંતુ ચીન તેને સ્વીકારવા તૈયાર નથી. વર્લ્ડ હેલ્થ ઓર્ગેનાઈઝેશનને ફરી એક વાર ગૃપની રચના કરી છે. આ જૂથ વુહાન જશે અને પ્રારંભિક કેસોની તપાસ કરશે.

WHO એ 26 નિષ્ણાતોનું એક નવું ગૃપ બનાવ્યું છે

કોરોના સ્થાનિક સંક્રમણને કારણે ચીન ફરી એક વખત સકંજામાં છે. સવાલ એ છે કે, કોરોના વાયરસ ક્યાંથી અને કેવી રીતે ફેલાયો. વર્લ્ડ હેલ્થ ઓર્ગેનાઇઝેશન ફરી એકવાર શોધવાની કવાયતમાં વ્યસ્ત છે. WHO એ 26 નિષ્ણાતોનું નવું સલાહકાર જૂથ બનાવ્યું છે. જે ચીનમાં કોરોનાના મૂળની તપાસ કરશે અને સંસ્થાને રિપોર્ટ આપશે.

કોવીડ-19ના મૂળ વિશે જાણવાનો આ છેલ્લો પ્રયાસ હોઈ શકે છે.

આ વર્ષે માર્ચમાં, વર્લ્ડ હેલ્થ ઓર્ગેનાઇઝેશન (WHO) ની ટીમ ચીનના વુહાન શહેરમાં ચાર અઠવાડિયા સુધી રહી હતી, પરંતુ કોઈ નક્કર પરિણામ સુધી પહોંચી શકી ન હતી. આ વખતે વર્લ્ડ હેલ્થ ઓર્ગેનાઇઝેશને ચીનને પ્રારંભિક કેસો સંબંધિત ડેટા પૂરો પાડવા કહ્યું છે. આ સાથે, WHO એ પણ કહ્યું છે કે કોરોના વાયરસના મૂળ વિશે જાણવાનો આ છેલ્લો પ્રયાસ હોઈ શકે છે.

કોવિડ-19  હજુ સંશોધનની જરૂર છે

બીજી બાજુ વર્લ્ડ હેલ્થ ઓર્ગેનાઈઝેશનની ટીમે પોતાની પ્રથમ તપાસ બાદ આ વર્ષે માર્ચમાં બહાર પાડવામાં આવેલા રિપોર્ટમાં કહ્યું હતું કે કોરોના વાયરસ ચામાચીડિયાથી અન્ય કેટલાક પ્રાણીઓ મારફતે મનુષ્યમાં ફેલાયેલો હોઈ શકે છે, પરંતુ હજુ વધુ સંશોધનની જરૂર છે, કારણ કે શરૂઆતના દિવસોમાંથી ડેટાના અભાવને કારણે તપાસમાં સમસ્યા હતી. આવી સ્થિતિમાં, વુહાન લેબનું ઓડિટ થવું જોઈએ.

WHO એ નવુ ગૃપ બનાવ્યું 

વર્લ્ડ હેલ્થ ઓર્ગેનાઇઝેશનના વડા ટેડ્રોસ એધનોમ ગ્રેબ્રેયસસે જણાવ્યું હતું કે વિશ્વભરમાંથી પ્રાપ્ત 700 અરજીઓમાંથી 26 નિષ્ણાતોની પસંદગી તેમના વર્લ્ડ ક્લાસ અનુભવને ધ્યાનમાં રાખીને કરવામાં આવી છે. આ પશુ આરોગ્ય, ક્લિનિકલ દવા, વાયરોલોજી અને જીનોમિક્સ જેવા વિષયોથી જોડાયેલા છે.

પહેલો કેસ ડિસેમ્બર 2019 માં આવ્યો હતો

કોરોનાનો પહેલો કેસ ડિસેમ્બર 2019માં ચીનના વુહાન શહેરમાં નોંધાયો હતો અને એવી આશંકા છે કે, ત્યાંથી આ વાયરસ સમગ્ર વિશ્વમાં ફેલાયો હતો. જો કે, ચીને વારંવાર ઈનકાર કર્યો છે કે, વુહાનની લેબમાંથી વાયરસ લીક થયો નથી.