માર્ચ મહિનામાં જથ્થાબંધ ફુગાવાના મોરચા પર આંશિક રાહત મળી છે. ખરેખર તો વાણિજય અને ઉદ્યોગ મંત્રાલયે જથ્થાબંધ ભાવ સૂચકાંક (WPI) પર આધારે ફુગાવાના આંકડા જાહેર કર્યાં છે. આ આંકડાઓ મુજબ માર્ચમાં ફુગાવાનો દર ફ્રેબુઆરીના 2.26 ટકાની સરખામણીએ એક ટકાનો ઘટાડા જોવા મળ્યો.
જથ્થાબંધ ફુગાવાનો દર એક ટકા રહી ગયો
ફેબ્રુઆરીમાં જથ્થાબંધ ફુગાવો 2.26 દર હતો
માર્ચમાં ખાદ્ય ફુગાવાનો દર ઘટીને 4.91 ટકા થઇ ગયો
આ દરમિયાન ખાદ્ય વસ્તુઓની કિંમતોમાં ભારે ઘટાડો થયો છે. ખાદ્ય ફુગાવો માર્ચમાં ઘટીને 4.91 ટકા થઇ ગયો છે. જ્યારે ગત મહિનામાં આ 7.79 ટકા હતો. શાકભાજીની મોંઘવારીનો દર માર્ચમાં ઘટીને 11.90 ટકા થઇ ગયો. જ્યારે ગત મહિનામાં આ 29.97 ટકા હતો. જો કે આ દરમિયાન ડુંગળીની કિંમત મોંઘી જોવા મળી. ઇંધણ અને વીજળી ઉત્પાદનમાં 1.76 ટકા ઘટાડો જોવા મળ્યો, જ્યારે ઉત્પાદિત વસ્તુઓની કિંમત 0.34 ટકા દરની વૃદ્ધિ જોવા મળી.
લોકડાઉનનો આંકડા પર અસર!
કોરોના વાયરસની મહામારીના કારણે 25 માર્ચથી શરૂ થનાર દેશવ્યાપી લોકડાઉનની અસર આ મહીના દરમિયાન આંકડાઓ જમા કરવા પર પણ પડી છે. સરકાર તરફથી બતાવામાં આવ્યું છ જો કે કોરોના વાયરસના પ્રકોપ અને લોકડાઉનના કારણે આંકડા સ્થાયી નથી. આવનારા સમયે આ આંકડાઓમાં ઉલ્લેખનીય પરિવર્તન થઇ શકે છે.
છુટક ફુગાવામાં પણ રાહત
આ અગાઉ છુટક ફુગાવાના આંકડા જાહેર કરાયા હતા. માર્ચમાં છુટક ફુગાવાનો દર ઘટીને 5.91 ટકા પર જોવા મળ્યો, જ્યારે ફ્રેબુઆરીમાં છૂટક ફુગાવોનો દર 6.58 ટકા હતો.