બજાર / મોંઘવારીના મોરચે રાહતભરી ખબર, જથ્થાબંધ ફૂગાવો 2 વર્ષની નીચલી સપાટીએ, છૂટકમાં પણ ઘટાડો

• ભારતનો WPI ફુગાવો 24 મહિનામાં સૌથી નીચે
• 3.85% નાં સ્તર પર પહોંચ્યો છે ફુગાવો
• કેટલીક વસ્તુઓનાં ભાવ ઘટાડાની થઈ અસર

ફેબ્રુઆરી 2023માં ભારતનું જથ્થાબંધ ભાવ સૂચકાંક એટલે કે  હોલસેલ પ્રાઈઝ ઈન્ડેક્સ આધારિત ફુગાવો 24 મહિનાનાં નિચલાં સ્તર 3.85% પર પહોંચ્યું છે. નાણામંત્રાલય દ્વારા મંગળવારે જાહેર કરેલા આંકડાઓમાં આ માહિતી સામે આવી હતી. ફેબ્રુઆરી 2023માં WPI ફુગાવો જાન્યુઆરી 2021 પછીથી સૌથી ઓછું છે. જાન્યુઆરી 2021માં આંકડો 2.51% હતો.

જથ્થાબંધ ભાવ સૂચકાંકમાં ઘટાડાનું કારણ
ફેબ્રુઆરીમાં જથ્થાબંધ ભાવ સૂચકાંકમાં ઘટાડો કાંચા પેટ્રોલિયમ અને પ્રાકૃતિક ગેસ અને ખાદ્ય ઉત્પાદોની કિંમતમાં ઘટાડાને કારણે થયો છે. એક ઓફિશિયલ નિવેદનમાં જણાવવામાં આવ્યું છે કે આ સિવાય ખનીજ, કમ્પ્યુટર, ઈલેક્ટ્રોનિક્સ અને ઓપ્ટિકલ ઉત્પાદન, રસાયણ અને રસાયણિક ઉત્પાદન, વીજળી ઉપકરણો અને મોટર વાહનોની કિંમતો પણ ફેબ્રુઆરીમાં ઘટી હતી.

WPI inflation eases to 3.85 pc in February, as against 4.73 pc in January: Govt data

— Press Trust of India (@PTI_News) March 14, 2023

ખાદ્ય પદાર્થોનાં ભાવમાં પણ ઘટાડો 
ખાદ્યનો સામાન અને ઈંધણની કિંમતોમાં નરમીની વચ્ચે છૂટક ફુગાવાનો દર ફેબ્રુઆરીમાં સામાન્ય ઘટીને 6.44% પર રહ્યો. સોમવારે જાહેર કરેલા સરકારી આંકડાઓમાં આ માહિતી આપવામાં આવી હતી. CPI આધારિક ફુગાવો જાન્યુઆરીમાં 6.52% હતો. આંકડાઓ અનુસાર શાકભાજીની કિંમતમાં વાર્ષિક 11.61% ઘટાડો થયો છે જ્યારે મસાલાઓની મૂલ્ય વૃદ્ધિ 20.20% થઈ છે. માંસ, મછલી, અંડા, દાળ, ખાંડ તેમજ મિઠાઈનાં ઉત્પાદ વગેરે જેવા ક્ષેત્રોમાં મૂલ્ય વૃદ્ધિ ઓછી રહી છે.