ઓગસ્ટ મહીનામાં જથ્થાબંધ ભાવાંક (WPI) આધારિત મોંઘવારી લગભગ 25 મહીનાના નીચલા સ્તર 1.08 ટકા પર યથાવત રહ્યો. જુલાઇની તુલનામાં તેમા કોઇ બદલાવ નથી થયો. એક વર્ષ પહેલા ઓગસ્ટ 2018માં જથ્થાબંધ ફૂગાવાનો દર 4.62 ટકા હતો. આ પહેલા રિટેલ મોંઘવારીમાં વધારો નોંધાયો હતો.
WPI આધારિત મોંઘવારી લગભગ 25 મહીનાના નીચલા સ્તરે યથાવત
જુલાઇમાં પણ WPI રેટ 1.08 ટકા પર હતો
ઓગસ્ટ 2018માં જથ્થાબંધ ફૂગાવાનો દર 4.62 ટકા હતો
ખાદ્ય વસ્તુઓના સમહૂ વાળા સૂચકાંકમાં 1.4 ટકાનો વધારો થયો છે. જેમકે જુવાર, રાગી વગેરે જેવા અનાજની કિંમતોમાં 4 ટકા, ફળો અને શાકભાજ અને પોર્ક માંસની કિંમતોમાં 3 ટકા, માછલી, ઘઉં, મકાઇ, વગેરેની કિંમતમાં 2 ટકા અને દૂધ, રાજમા, માંસની કિંમતોમાં 1 ટકાનો વધારો થયો છે. ઇંડાની કિંમતમાં 7 ટકા, ચામાં 2 ટકા અને ચિકનની કિંમતમાં 1 ટકાનો ઘટાડો નોંધાયો છે.
આ પહેલા જુલાઇમાં WPI રેટ 1.08 ટકા પર જ હતો. જુલાઇમાં ઇંધણ, વીજળીના જથ્થાબંધ મોઘંવારી દરમાં ઘટાડો આવ્યો હતો. આ પહેલા પણ જૂનમાં જથ્થાબંધ ફૂગાવા 2.02 ટકા પર હતો. એક વર્ષ પહેલા જુલાઇ 2018માં જથ્થાબંધ ફુગાવાનો આંકડો 5.27 ટકા પર હતો.
આ પહેલા આવેલા આકંડામાં બતાવાયું હતું કે ઓગસ્ટમાં રિટેલ ફૂગાવો 3.21 ટકા થઇ ગયો છે. આ 10 મહીનાના ઉચ્ચ સ્તરે છે. ગત વર્ષે ઓગસ્ટમાં 2018માં રિટેલ ફૂગાવો 3.69 ટકા હતો. તેના ગત મહીનાથી રિટેલ ફૂગાવા સાથે તુલના કરવામાં આવે તો પણ મોંઘવારીમાં વધારો થયો છે. જુલાઇમાં રિટેલ ફૂગાવાનો દર 3.15 ટકા હતો. જોકે, ફુગાવાનો દર હજુ પણ રિઝર્વ બેન્કના નક્કી લક્ષ્ય (4 ટકા)ની અંદર છે.